Psalms 55:4 - Keley-i Bible (Antipolo Ifugao)

⁴ Anin anhan et nakka umkenebkeb, tep nakka umtakut ni mettey.

Psalms 55:4 Iomraidhean Croise

2 Samuel 16:7

Kan Simei ey “Pampenga-allaw ka e David tep mapetey ka niya lawah kan tuu!

Psalms 116:3

Nemahhig hu takut ku, tep innang hu ketteyyan ku,

Psalms 42:10

Makaggeh ni peteg hu daka pemennadngel ni hi-gak e kanday “Attu mewan etan Dios mun kamemaddang ni hi-gam ey?”

Psalms 6:3

Ey nemahhig ni kamemunnumunnu hu nemnem ku, et nakka pekdag law hehhegged ni pemaddangan mun hi-gak, nem ay pigantu na-mu e Apu?

Psalms 69:20

Iyyadyan nemahhig hu degeh ni nemnem ku, tep da-ak kapennadngeli. Ey endi, anin ew ngun hakey ni kamengippeang-ang ni hemek dan hi-gak.

Psalms 88:3

tep iyyadyan kamemunnumunnu hu nemnem ku niya ngannganih law hu ketteyyan ku.

John 12:27

Nakka memunnumunnun mannemnem etan ni meippahding alin helheltapen ku, nem eleg mabalin ni nak ibbagan Ama ma-lat eleg maipahding humman ni hi-gak, tep humman gaputun inlian ku.”

Hebrews 5:7

Yan kawedan Jesus di puyek, ey nemahhig ni in-anteng tu dasadasal nan Apu Dios. Inlet tu dasal tu niya limmewalewan tuka pandasali, tep amta tun wada kabaelan Apu Dios ni menellaknib ni hi-gatud ketteyyan tu. Inebulut Apu Dios hu dasal tu tep impebabah tu annel tun nengu-unnudan tun Apu Dios.