Psalms 50:2 - Keley-i Bible (Antipolo Ifugao)

² Hi-gatu e Dios ey kamelpu benang tud Zion e kekakkayyaggudan ni bebley.

Psalms 50:2 Iomraidhean Croise

Psalms 48:2

Humman ni Duntug e Zion ey eta-gey ey kakkayyaggud ni peteg hu ang-ang tu, et humman hu, ida kaum-amleng hu katuutuud kebebbebley hedin inang-ang da. Yadman hu nambebleyan etan ni Keta-ta-geyyan ni Patul.

Psalms 48:3

Impeang-ang Apu Dios e hi-gatu hu kamengi-eddug nunman ni bebley tud Jerusalem e tuping hu luhud tu.

Psalms 68:24

Apu Dios, e Patul ku niya Dios ku, nanhin-aang-angan ni katuutuu hu nebenenbentegan yuddan tuum ni nengipenguluam idad muka panha-adi.

Psalms 80:1

Dengel mu dasal mi e Apu Dios e heni kamengippattul niya kamengipappangnguluddan helag Joseph niya yimmudung di ta-pew ni Kaban di nambattanan idan anghel diman.

Psalms 80:17

Ipaptek mu anhan etan tuun pinhed mu niya pinilim ni um-ehneng di winannan mu,

Psalms 80:2

Peang-ang muddan tuud Epraim, yad Benjamin niyad Manasseh hu et-eteng ni kabaelan mun mengihwang ni hi-gamid lawah.

Psalms 94:1

Apu Dios e kamengastigu, peang-ang mu hu bunget muddan tuun lawah daka pehpehding.

Song of Songs 5:16

Ey malumi-ih bungut tu niya emin hu ang-ang tu ey kamengippeamleng ni hi-gak. Hi-gayun bibi-in iJerusalem, henin nunya humman ni lakin nakappinhed ku.”

Isaiah 12:6

Hi-gatsun tutu-ud Zion, itkuk tayu a-appeh tayu tep ya amleng tayu! Tep ya Dios ni Israel ey Kayyaggud ni peteg, et-eteng kabaelan tu niya kamekihahha-ad ni hi-gatsu.”

Isaiah 26:21

Tep melehbeng ali hi Apu Dios ni melpud kabunyan et kastiguen tudda tutu-ud puyek tep ya liwat da. Anin idan pimmatey ni endi nengamta, et meamtaan ali, et mekastigudda tep peang-ang alin Apu Dios ni emin hu impahding dan penegguan tuddan nunman ni pintey da.

Lamentations 2:15

Et yan nunyan nakabbahbah ka ey daka kangi-ngi-ngiin emin ni tuun kamelebbah e kanday “Kaw huyya ngu anhan hu kandan kekakkayyaggudan niya kamedeyyaw ni bebley eyad puyek niya kapan-am-amlengin emin ni tutu-u?”

Hosea 5:15

Yan nunman alin penelheltapan yun kastiguk ey mambangngaddak di Tempol kud kabunyan et manhahha-addak diman e eleg dakeyu baddangi ingganah ni ebbuluten yu nanliwtan yu. Et hemmaken yuwak ali kaya mewan law tep ya humman ni panhelheltapan yu.

Habakkuk 2:20

Nem hedin hi Apu Dios ey wadad Tempol tu. Et humman hu, emin itsun tutu-ud kebebbebley ey i-ineng itsud hinangga tu.”

Sekariah 9:17

Kayyaggud alin peteg ang-ang da! Mekapkaphel idalli kamenikken ni bibi-i niya lalakki, tep dakel ali kennen niya meinnum.

Deuteronomy 33:2

Nalpu hi Apu Dios di duntug e Sinai e heni aggew ni simmimil di Duntug e Seir. Himmeyaw ni nalpullid Duntug e Paran ey wada kamantetebbel ni apuy di wannan tu ey neikuyug ida hampulun libun anghel ni hi-gatu.

Revelation 1:16

Wada singnged ni wannan ni ngamay tun pitun bittuwen. Ey wada dimmewdew di bungut tun makattadem ni nambina-hil tadem tun ispadah. Ya heyaw ni angah tu ey heni petang ni nandattekan ni aggew.

Revelation 21:23

Eleg mahapul hu aggew niya bulan diman tep kadillagiddan dayaw di Apu Dios et ya etan Impah ni Kalneroh.