Psalms 41:5 - Keley-i Bible (Antipolo Ifugao)

⁵ Yadda buhul ku ey lawah hu daka e-ehhela meippanggep ni hi-gak niya pinhed dan metteyyak ma-lat meliwwannak.

Psalms 41:5 Iomraidhean Croise

Job 18:17

Et endi law mee-ehhel ni hi-gatud bebley tu, anin di edum ni bebley, ey endin ingganah law hu mannemnem ni hi-gatu.

Job 20:7

et meitteyyab alin heni dep-ul. Et an ali hemmahemmaken idan nengamtan hi-gatu et kanday ‘Attu na-mu linawwan tu?’

Psalms 102:8

Nemahhig ni da-ak kapennadngeliddan buhul kun kewa-wa-wa. Da-ak kaheneghegnuda niya daka ussala hu ngadan kun pan-iddut.

Psalms 38:12

Yadda dama tuun ihik ni memettey ni hi-gak ey indaddan dan keknaan ku. Ey tagan da nemnem ni pehding dan memahbah ni hi-gak.

Psalms 51:3

Nakka ebbulutan nanliwattak, et kewa-wa-wa ey humman hu nakka pannenemnem.

Psalms 51:6

Nem ya pinhed mu e Apu Dios, ey kayyaggud hu neitu-wan ni tuu, et humman hu, tuttuddui muwak anhan ma-lat menemnemannak.

Psalms 56:2

Da-ak kahellippat-in kewa-wa-wa, tep pinhed da-ak ni panligligat.

Psalms 57:2

Hi-gam hu nakka pandasali e Apu Dios ni Keta-ta-geyyan, tep hi-gam ni ebuh hu kamengippeamnun hipan pinhed mun meippahding ni hi-gak.

Psalms 67:2

ma-lat wada inna-nu tun pengamtaan idan tutu-ud puyek ni elaw mu niya ma-lat amtaen da e hi-gam hu kemenellaknib ni hi-gada.

Psalms 86:16

Hemek muwak, ey pa-let muwak niya helaknibi muwak, tep bega-en muwak e heni lan inak.

Psalms 86:3

Et humman hu, hemek muwak anhan e Apu, tep kewa-wa-wa ey nakka umdasadasal.

Proverbs 10:7

Kamengippeamleng ni nemnemnemen ida kayyaggud ni tuu, nem hedin yadda lawah ni tuu, man meliwwan ida.