Psalms 41:13 - Keley-i Bible (Antipolo Ifugao)

¹³ Kamedeyyaw hu Ap-Apu e Dios idan helag Israel! Em, medaydayaw ni ingganah. Amen. Em, amen!

Psalms 41:13 Iomraidhean Croise

Ephesians 1:3

Daydayaw tayu hi Apu Dios e Aman Apu tayu e hi Jesus Christo, tep indawat tun hi-gatsun kamengullug emin hu panyaggudan tayun kamelpud kabunyan tep ya neiegian tayun Jesus Christo.

Revelation 4:8

Wada han-e-nem ni payak dan nemataan di nambina-hil. Daka i-anteng a-appeh anin hileng niyan kawwalwal. Kandad a-appeh da ey “Kayyaggud ni peteg, kayyaggud ni peteg, kayyaggud ni peteg ni Ap-apu e Dios ni Han-ipahding tun emin. Wada ngu dedan ni nunman et yan nunya ey wadan ingganah.”

Psalms 89:52

Daydayaw tayu hi Apu Dios ni ingganah. Amen. Em, amen!

Psalms 106:48

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen!” Daydayaw tayu hi Apu Dios!

Psalms 150:6

Emin itsun mategu ey daydayaw tayu hi Apu Dios. Daydayaw tayu hi Apu Dios!

Revelation 7:12

Kanday “Amen! Hi Apu Dios hu metbal, melispituh niya medeyyaw ni ingganah. Ey hi-gatu pansalamatan emin ni tuu tep ya kalinaing tu, ya kabaelan tu niya kasina-gey tu. Amen.”

1 Chronicles 29:10

Hi David ey dineyaw tu hi Apu Dios di hinanggaddan neamung ni tuu e kantuy “Ap-Apu e Dios idan eman ni ammed mi e hi Jacob, medaydayaw kan ingganah!

Matthew 6:13

Ipaptek dakemi ma-lat eleg kami madinin manliwwat. Ey baddangi dakemi ma-lat eleg dakemi haulen nan Satanas ni mengippahding ni lawah.’”

1 Corinthians 14:16

Tep hedin eleg yu pehding humman, ey inna-nu hedin in-ehel etan ni kamandasal di ehel ni eleg han-awat ni edum tu, inna-nun penghelan dan “Amen,” hedin eleg da awatan hu dasal tu?

Jeremiah 28:6

“Tam em, kayyaggud ni peteg huttan ni inebig mu! Hehheggeden ku hu pengippahdingan Apu Dios nuntan ni inhel mu! Kayyaggud hedin pannenneng tu huttan ni inebig mu et ibangngad tun emin ida ngunut ni Tempol niya emin ni tutu-un neilaw ni balud di Babilon.

1 Chronicles 16:36

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen! Daydayaw tayu hi Apu Dios!”

Revelation 11:17

et kanday “Apu Dios e Han-ipahding tun emin, wada ka dedan nunman ey wada kan ingganah. Kami kamansalamat tep impeang-ang mu kabaelan mu et ilepum ni man-ap-apud puyek.

1 Kings 1:36

Immehel hi Benaiah ey kantuy “Meippahding emin huttan ni inhel mu ey tetbalen et anhan Apu Dios e Dios mu,

Revelation 22:20

Hi Jesus hu nengipeang-ang ni makulug emin eya wadad libluh et kantuy “Anggegannu law ey um-ali-ak.” Et kangkuy “Kayyaggud hedin um-ali ka. Ali ka law e Apu Jesus.”

Numbers 5:22

eyan neidutan ni danum ni innumem.” Hummangen etan ni bii et kantuy “Ebbulutek huttan ni pehding Apu Dios.”

Psalms 147:6

Tuka baddangidda hu tuun daka pebabah annel da, nem tudda kapebabah ni peteg hu tutu-un lawah daka pehpehding.