Psalms 2:4 - Keley-i Bible (Antipolo Ifugao)

⁴ Nem hi Apu Dios e Ap-apud kabunyan ey tuka ngi-ngi-ngii hu planuh dan endi silbitu.

Psalms 2:4 Iomraidhean Croise

Psalms 11:4

Eggak nisi umtakut, tep ya kakulugan tu, immen hi Apu Dios di yinudungan tud kabunyan e daitsu kauh-uhdungin emin ni tuu, anin ni attu hu kad-an tayu. Ey inamta tu hu hipan kapehpehding ni tuu.

Psalms 115:3

Ya Dios tayu ey immen di kabunyan. Ey tuka pehding hu hipan pinhed tun pehding.

Psalms 123:1

Apu Dios e Ap-apud kabunyan, hi-gam nakka tengngawan pambeggaan ni baddang.

Psalms 37:13

Nem kangi-ngi-ngiiddan Apu Dios, tep amta tu e eleg mebeyyag ey meendiddalli humman ni tuu.

Psalms 53:5

Nem hakey alin aggew et wadalli hu meippahding ni hi-gada et nemahhig ni umtatakut idalli e nema-ma-ma nem ya takut dan hiniktaman da lan nunman. Tep meiwahhiwahhit ali hu genit dan ketteyyan da gapuh ni pehding Apu Dios ni hi-gada. Mukun meippahding humman ey tep paka-apputen idallin tuu tudda tep inwalleng tudda dedan.

Psalms 59:8

Nem hi-gam e Apu Dios ey muka heghegnuda niya muka ngi-ngi-ngiidda hu hanniman ni tutu-un eleg mengu-unnud ni hi-gam di kebebbebley.

Psalms 59:9

Hi-gam e Apu Dios, hu nakka iddinel, tep hi-gam hu kakelpuin elet ku niya hi-gam hu nakka keihhikkugi.

Psalms 68:33

e heni nantakkay di kulput di kabunyan ni lintu tu dedangngu niya heni kidul hu ehel tu.

Proverbs 1:26

et humman hu, ngi-ngi-ngian dakeyullin hi-gak hedin wadalli ligat yu.

Isaiah 40:22

Hi Apu Dios hu nanletu eyan puyek. Immen e yimmudung di yuddungngan ni patul di kabunyan e ahpat eyan puyek e meli-bahan ida kulput. Ya tuka penang-ang idan tuu eyad puyek ey henidda abbun. Heni hephep ni imbiklag tu hu kabunyan et heni tuldah ni pambelleyan.

Isaiah 57:15

Hi-gak etan eta-gey niya Kayyaggud ni peteg ni Dios ni wadan ingganah. Anin ni naka-itta-gey niya kayyaggud ni peteg hu kad-an ku, et mekihha-addak mewan idan tutu-un mampekumbabah niya mantuttuyyun liwat da, et wadaen ku mewan dinel da niya namnamah da.

Isaiah 66:1

Kan Apu Dios ey “Yad kabunyan hu nakka yuddungin man-ap-apu ey yad puyek hu nakka pengiddahyayin helik. Hipa humman ni baley ni kapyaen yun nak pambelleyan? Kaw pakekapya kayu makkaw ni panha-adak?