Psalms 146:10 - Keley-i Bible (Antipolo Ifugao)

¹⁰ Hi Apu Dios hu Patul ni ingganah. Em, ya Dios tayun iZion hu mannananeng ni mampatul. Daydayaw tayu hi Apu Dios!

Psalms 146:10 Iomraidhean Croise

Psalms 10:16

Apu Dios, mannananeng ni hi-gam hu patul. Pea-allaw mudda eyad bebley mu emin hu tuun hin-appil hu dios ni daka daydayawa.

Psalms 145:13

Tep kamannananeng ni ingganah hu muka pan-ap-apui niya hi-gam ali hu Patul ni ingganah. Hi Apu Dios ey tuka peamnun emin hu tuka e-hela niya emin hu tuka pehpehding ey kameang-ang hu binabbal tu.

Psalms 147:12

Emin itsun iJerusalem di Zion ey daydayaw tayu hi Apu Dios e Dios tayu.

Exodus 15:18

Hi-gam e Apu Dios hu mannananeng ni man-ap-apun inggana.”

Isaiah 12:6

Hi-gatsun tutu-ud Zion, itkuk tayu a-appeh tayu tep ya amleng tayu! Tep ya Dios ni Israel ey Kayyaggud ni peteg, et-eteng kabaelan tu niya kamekihahha-ad ni hi-gatsu.”

Isaiah 40:9

Wada kayyaggud ni meippeamta! Lakkayuy idad tuktuk ni etata-gey ni duntug, et yu itkuk diman et dengelen idan iJerusalem niyadda edum ni iJudah e kanyuy “Iyyalli hu Dios yu.” Lakkayuy, entan takut yun mengitkuk nunman idad bebley di Judah.

Isaiah 52:7

Kamengippeamleng ni ang-angen hu tuun iyyallin nalpud duntug ni um-alin mengippeamtan kayyaggud ni meippahding ni linggepan ni bebley niya mengippeamtan keihwangan ni Zion e kantun hi-gaday ‘Ya Dios yu hu man-ap-apu.’

Isaiah 9:7

Mannananeng ali kabaelan tu niya melinggep hu pan-ap-apuan tun eleg mepappeg. Hi-gatu meihhullul ni man-ap-apud pan-ap-apuan David. Ya pehding tun man-ap-apu ey kayyaggud niya meandeng ni ingganah. Hi Apu Dios e Kabaelan tun emin ey nanna-ud ni pehding tullin emin huyya.

Daniel 2:44

Nem yallin pan-ap-apuan idan nunman ey weddaen alin Apu Dios di kabunyan hu hakey ni pan-ap-apuan ni mannananeng e eleg mepappeg, tep endi hakey ni an mengapput ni hi-gatu. Tep hi-gatu anhallaw hu mengapput ni emin ni aap-apud puyek et ebuh tullin mannenneng.

Daniel 6:26

yan nunya ey i-olden ku e mahapul ni ya tekkutan yu niya daydayawen yu ey ya etan Dios ni kakulluga niya kau-unnudan Daniel. Humman ni Dios ey wadan kenayun niya man-ap-apun ingganah. Ya nan-ap-apuan tu ey endi tu kebahbahan niya mannananeng ni ingganah hu et-eteng ni kabaelan tu.

Daniel 7:14

Neidwat ni hi-gatu hu kelebbengan tu, ya kabaelan tu niya keiddeyyawan tu ma-lat hi-gatu hu pan-ap-apun katuutuud kebebbebley ni nambakbaklang hu nahlagan da niya ehel da. Hi-gatulli hu mannananeng ni man-ap-apu niya endi hu an kebahbahan ni pan-ap-apuan tu, nem mannananeng alin ingganah.

Joel 3:17

Kan Apu Dios ey “Yaddalli humman ni pehding ku hu pengamtaan yu e hi-gak e Ap-Apu e Dios yu ey wada-ak di Zion e duntug ku. Et humman hu, eleg ali law mabalin ni an sekkupen ni tutu-ud edum ni bebley hu Jerusalem e bebley ku.

Revelation 11:15

Impatnul etan ni meikkeppitun anghel hu tangguyup tu ey wadadda ka-hel ni na-let di kabunyan e kanday “Yalli law man-ap-apun emin eyad puyek ey hi Apu Dios nan hi Christo e pinutuk tun mengippaptek ni tuu e hi-gatulli man-ap-apun ingganah.”