Psalms 141:1 - Keley-i Bible (Antipolo Ifugao)

¹ Hi-gam e Apu Dios ni ebuh hu nakka pandasali. Dengel mu anhan eya dasal ku ma-lat eleg mu a-ayyapawen ni memaddang ni hi-gak.

Psalms 141:1 Iomraidhean Croise

Job 7:21

Kaw eleg mu liwwana liwat ku? Anggegannu law ey meikkullungngak et muwak ali hemmaken ey endi-ak.’”

Psalms 143:1

Apu Dios, dengel mu anhan hu dasal ku. Hemek muwak anhan et humangen mu hu dasal ku, tep kayyaggud kan peteg niya kamannananeng hu muka pemaptek.

Psalms 143:7

Papuut mu anhan e Apu Dios et humangen mu eya dasal ku. Baddangi muwak, tep endi law namnamah ku. Entan anhan tuwak eway ma-lat eggak matey et eggak lumaw di bebley idan nangketey.

Psalms 22:19

Apu Dios, entan anhan tuwak ipayyag, nem papuut mu anhan et baddangan muwak.

Psalms 28:2

Em, dengel mu anhan hu dasal kun nakka pampehemmehemmeki e nakka itta-gey hu ngamay kun indengdeng kud appit ni Tempol mu.

Psalms 40:13

Apu e Dios ku, kahegag ka anhan et baddangan muwak ma-lat meihwangngak.

Psalms 70:2

Ey himeng mudda anhan ida tutu-un ihik ni memettey ni hi-gak ma-lat maka-apput ida niya ma-lat mebabba-ingan ida humman ni tutu-un daka pan-am-amlengi hu nakka panligligasi.

Psalms 70:5

Apu Dios, hedin katteg ngun hi-gak, man anggehemmekkak ni peteg niya neendi elet ku. Hi-gam hu Dios ku ey hi-gam hu kamengihwang ni hi-gak. Et humman hu, kahegag ka anhan et baddangan muwak.

Psalms 71:12

Apu Dios, entan anhan keidawwim ni hi-gak, nem papuut mu anhan e Dios ku et umli ka et baddangan muwak.