Psalms 131:1 - Keley-i Bible (Antipolo Ifugao)

¹ Apu Dios, eleggak mampahhiya et mukun eggak gamgamidda hu eta-gey ni saad niya eggak patnain ippahding ida hu hipan eggak han-awat.

Psalms 131:1 Iomraidhean Croise

2 Samuel 6:22

Anin ni kammuy anggeba-ing humman ni nak nenattayyawan et pan-inma-mak anhan law ni menattayyaw ma-lat penaydayaw kun Apu Dios. Ya muka pannemnem ey anggeba-ing hu nakka pehpehding nem da-ak katettebaladdan etan idan bibi-in bega-en.”

Job 42:3

Kammuy ‘Hipa huyyan tu ni-ngangu kakehhinga nakka pannemnem ey endin hekey inamta tu?’ Hi-gak humman! Mukun hanniman ey tep nakka e-ehheladda hu kamengippetngan hi-gak e eggak han-awat.

Psalms 101:5

Pe-neng kudda hu kaum-eheehel ni itek ni meippanggep ni edum dan tuu niya eggak i-abulut ni wadadda hu manghay niyadda kamampahhiyyan tuuk.

Psalms 122:1

Immamlengngak ni nanghelan dan hi-gak e kanday “Elaw itsud baley nan Apu Dios.”

Psalms 124:1

Mahapul ni ebbuluten tayun helag Israel e gullat ni eleg daitsu baddangan Apu Dios eman ni nengubatan daitsuddan buhul tayu, et nanna-ud ni pintey daitsun emin. Tep nemahhig hu bunget dan hi-gatsu,

Psalms 133:1

Makulug ni kakkayyaggud niya kamengippeamleng hedin kaman-uunnud ida hu kamengullug nan Apu Dios.

Psalms 139:6

Huttan ni nengamtaan mun emin ni meippanggep ni hi-gak ey eggak ni hekey han-awat.

Proverbs 21:4

Ya elaw ni lawah ni tuu ey mampahhiya, ey huyyan elaw ey liwat.

Jeremiah 17:16

“Apu Dios, eggak iwalleng hu ngunuk ni mengituttudduddan tutu-um ni pinhed mun ituttudduk. Ey inamtam e eleg ku ibgan hi-gam ni kastiguen mudda.

Jeremiah 45:5

Kaw ya muka heppuheppula ey yadda kamengippeamleng ni hi-gam? Beken ida humman ni heppulem! Tep peellik ali hu memahbah ni emin ni tuu. Nem hedin hi-gam man ihhehwang daka anin ni attu lawwam. Hi-gak e Dios hu nanghel nunya.’”

Numbers 12:3

(Yad emin ni tuud puyek ey endi henin Moses e kamampekumbabah.)

Matthew 11:29

Kulug yuwak et u-unnuden yuwak ma-lat wada inna-nu tun pengeddalan yun elaw ku. Hi-gak ey neanussak niya mahmekkak et mukun dakeyu kahehmeka.

Acts 20:19

Impebabah kun peteg annel kun nengituttudduan kun meippanggep nan Jesus, ey hin-addum ni nakka umlewa. Insipesipel ku hu ligat kun impahpahding idan Jews ni hi-gak.

Romans 11:33

Kayyaggud ni peteg hu Dios tayu! Makulug ni et-eteng hu hemek tun hi-gatsu. Endi henin hi-gatu, tep inamta tun emin. Eleg tayu han-awat hu kalinaing tu niya gaputun tuka pengippahdingiddan tuka pehding.

Romans 12:16

Ang-ang yu et ya kayyaggud pandadagyuman yu. Entan tu peta-gey annel yu, nem pekikkillaw kayudda etan ni tuun nebabah saad da. Ey entan tu nemnem e nelaing kayu niya amta yun emin.

Deuteronomy 17:20

Et gapuh ni pemennidbidan tu ey eddalen tun eleg mampahhiyya et tu ibilang annel tun kekkeddukdul nem yadda edum tun helag Israel. Ey gapun pemennidbidan tu ey eleg tu iwwalleng ida tugun Apu Dios ma-lat hi-gatu niyadda helag tu hu mannenneng ni mampatul di Israel.

1 Thessalonians 2:10

Hi-gayu et hi Apu Dios hu mengihhuddut e kayyaggud hu impahpahding mi eman ni nekiha-adan min hi-gayu, et humman hu, endi mi nambahulan ni hi-gayun edum min kamengullug.

1 Samuel 16:13

Inu-unnud nan Samuel et alen tu lana et duyagan tud ulun David di hinanggaddan agitu. Neipalpun nunman ey newada Ispirituh Apu Dios nan David ey eleg tu hi-yana. Negibbuh humman et mambangngad hi Samuel di Ramah.

1 Samuel 16:18

Immehel etan hakey ni bega-en tu ey kantuy “Wada etan inamtak ni lakid Bethlehem ni u-ungngan Jesse e beken ni nelaing ni ebuh ni manggitalah, nem kayyaggud pay ni laki ey netuled niya nelaing ni meippanggep ni gubat niya kayyaggud tuka pan-e-ehhel. Ey kabaddangin Apu Dios di emin ni tuka pehding.”

1 Samuel 16:22

Entanni ey nenu-dak hi Saul di kad-an nan Jesse et tu ibega e kantuy “Iebulut mu et mambalin hu u-ungngam e hi David ni hakey ni mansilbin hi-gak tep nakappinhed ku.” Et iebulut nan Jesse.

1 Samuel 18:23

Nem kan David ey “Eteng ni dayaw hu mengahwan u-ungngan patul, nem hipa ina-nuk e newetwetak ni tuu, ettu pengellaan kun hehngeten ku.”