Psalms 13:5 - Keley-i Bible (Antipolo Ifugao)

⁵ Apu Dios, nakka medinnel e nehammad hu impeminhed mun hi-gak niya nakka man-am-amleng, tep inamtak e baddangan muwak et meihwangngak di pehding idan buhul ku.

Psalms 13:5 Iomraidhean Croise

Psalms 119:81

Apu Dios, nakka um-aabtun peteg ni pengihwangan mun hi-gak, nem nakka iddinel hu inhel mu.

Psalms 147:11

Tep ya kamengippeamleng ni hi-gatu ey yadda tutu-un kamekangngu-unnud ni hi-gatu niyadda kamengiddinnel ni eleg melullumman ni impeminhed tu.

Psalms 32:10

Yadda tuun kamengippahding ni lawah ey dakel hu panliggatan da, nem yadda kamengu-unnud nan Apu Dios ey ippaptek tudda, tep eleg melumman hu impeminhed tun hi-gada.

Psalms 33:18

Nem hedin hi Apu Dios, man tuka paka-ippaptek ida hu kamekangngu-unnud ni hi-gatu niya kamengiddinnel ni eleg melumman ni impeminhed tu.

Psalms 36:7

Ya eleg melumman ni impeminhed mu ey nebalol ni peteg, tep endi tu kei-ingngehan. Et humman hu, hi-gam ni ebuh hu mika iddinel ni mengippaptek ni hi-gami, heni kami nanhidum di payak mu.

Psalms 38:17

Iyyadyan nemahhig ni maggeh ni emin hu annel ku et ay heni-ak meplat.

Psalms 51:12

Pambangngad mu mewan hu am-amleng ku heni eman ni nenelakniban mun hi-gak. Ey baddangi muwak ma-lat hi-gam ni ebuh hu u-unnuden ku,

Psalms 52:8

Hedin hi-gak ngu, man heni-ak etan ni keyew ni olibah ni tagan tu etteetteng di Tempol mu e Apu Dios. Tep nakka iddinel hu nehammad niya eleg melumman ni impeminhed mun hi-gak.

Psalms 9:14

ey ma-lat wada inna-nu tun nak penaydayawan ni hi-gam di hinanggaddan dakel ni tuud Jerusalem niya ma-lat wada inna-nu tun pengippeang-angan kun am-amleng kud nengihwangan mun hi-gak di lawah.

Isaiah 12:2

Hi-gam e Apu Dios hu mengihwang ni hi-gak. Nakka medinnel ni hi-gam niya eleggak umtakut, tep hi-gam e Apu Dios hu kakelpuin elet ku niya hi-gatu kamengidwat ni kabaelan ku. Hi-gam hu kamengihwang ni hi-gak.”

Habakkuk 3:18

et nanengtun man-an-anla-ak nan Apu Dios e kamenellaknib ni hi-gak.

Luke 1:47

Nakka man-am-amleng tep hi Apu Dios hu menellaknib ni hi-gak.

Luke 2:20

Nambangngad ida etan kamampattul e daka daydayawa hi Apu Dios gapuh nunman ni inhel idan anghel ni hi-gada, ey tep inang-ang da e makulug numan hu inhel idan nunman ni anghel ni hi-gada.

Jude 1:21

Pannananeng yun mandinnel di impeminhed Apu Dios eyan tayu kapenehheggedin pengidwatan Apu tayu hi Jesus Christo ni biyag tayun endi pappeg tu tep ya hemek tun hi-gatsu.

1 Samuel 2:1

Nandasal hi Hannah e kantuy “Apu Dios, et-eteng hu amleng kun hi-gam tep binaddangan muwak, et ngi-ngian kudda law hu kamemippihul ni hi-gak.