Psalms 121:2 - Keley-i Bible (Antipolo Ifugao)

² Nem inamtak e hi Apu Dios, e nanletun puyek niya kabunyan, hu kaumbaddang ni hi-gak.

Psalms 121:2 Iomraidhean Croise

Genesis 1:1

Yan laputu ey lintun Apu Dios hu kabunyan niya puyek.

Psalms 115:15

Em, ya kayyaggud ey bendisyonan daitsun Apu Dios e nanletun puyek niya kabunyan.

Psalms 124:8

Hi Apu Dios e nanletun puyek niya kabunyan hu kamemaddang ni hi-gatsu.

Psalms 46:1

Hi Apu Dios hu tayu kakeihhikkugi niya hi-gatu kakelpuin elet tayu. Hi-gatu hu nandadaddan ni kenayun ni umbaddang ni hi-gatsud hipan tayu kapanliggasi.

Isaiah 41:13

Hi-gayun helag Israel, hi-gak e hi Apu Dios e Dios yu hu mengippa-let ni hi-gayu. Et humman hu, entan takut yu tep baddangan dakeyu. Anin ni nekakkapuy kayu ey endi bilang yu, et entan nisi takut yu tep baddangan dakeyun hi-gak. Hi-gak e Kayyaggud ni peteg ni Dios ni Israel hu mengihwang ni hi-gayu.

Jeremiah 20:11

Nem inamtak e Apu Dios e et-eteng kabaelan mun memaddang ni hi-gak et eleg maipahding hu implanuh dan mengippehelheltap ni hi-gak. Et mebe-ingan idan ingganah tep endi pambalinan ni planuh da. Et humman ni kebe-ingan da ey eleg ali meliwwan.

Hosea 13:9

Mebahbah kayun tutu-ud Israel tep anggebe-hel yuwak, anin ni hi-gak ni ebuh hu kaumbaddang ni hi-gayu.

Hebrews 13:6

Et humman hu, emin itsu ey wada dinel tayun Apu Dios et mukun dammutun kantayuy “Hi Apu hu memaddang ni hi-gak. Et humman hu, eggak umtakut. Tep kaw hipa kabaelan ni tuun ebuh ni mengippahding ni lawah ni hi-gak ey hi Apu Dios hu kamengippaptek ni hi-gak?”