Psalms 113:1 - Keley-i Bible (Antipolo Ifugao)

¹ Daydayaw tayu hi Apu Dios! Em, hi-gayuddan bega-en tu ey daydayaw yu hu ngadan tu.

Psalms 113:1 Iomraidhean Croise

Psalms 112:1

Daydayaw tayu hi Apu Dios! Kaman-am-amleng hu tuun tuka paka-u-unnuda hi Apu Dios. Em, kaman-am-amleng humman ni tuun mahlun mengu-unnud ni tugun tu.

Psalms 134:1

Daydayaw tayu hi Apu Dios! Em, emin kayuddan bega-en tun kamangguwalyan hileng di Tempol tu, ey daydayaw yu hi Apu Dios!

Psalms 135:20

Hi-gayudda daman helag Levi niya emin kayun kamekangngu-unnud nan Apu Dios, ey hi-gatu hu daydayaw yu.

Psalms 145:10

Apu Dios, daydayawen dakallin emin idan lintum. Ey emin idalli kamekangngu-unnud ni hi-gam ey mansalamat idan hi-gam.

Psalms 34:22

Nem emin ida tuun makulug ni kamengu-unnud niya kamengiddinnel nan Apu Dios ey tudda kaihhehwang. Tep emin hu kameihhikkug ni hi-gatu ey tudda kaippaptek.

Psalms 69:36

Tep humman idan bebley ey beltanen idallin helag ni tutu-u tun kamengu-unnud niya neminhed ni hi-gatu, et melinggep idallin mambebley diman.

Revelation 19:5

Entanni mewan ey wadalli immehel di kad-an ni yuddungngan ni ap-apu e kantuy “Hi-gayuddan emin ni bega-en nan Apu Dios, emin kayun kamengullug ni hi-gatu, newetwet niya kedangyan, ey daydayaw tayu hi Apu Dios.”