Psalms 103:7 - Keley-i Bible (Antipolo Ifugao)

⁷ Impeamta tun Moses hu pinhed tun meippahding niya impeang-ang tu hu et-eteng ni kabaelan tuddan helag Israel.

Psalms 103:7 Iomraidhean Croise

Nehemiah 9:14

Intuttuddum ni hi-gada hu tugun mun meu-unnud ni aggew ni Sabbath. Huyyaddan tugun ey indawat mun bega-en mu e hi Moses et pebeltan tu damaddan aammed mi.

Psalms 111:6

Impaenang-ang tu hu et-eteng ni kabaelan tun nampeneg-alan tuddan nambebley di Kanaan et ihullul tudda tuu tu.

Psalms 147:19

Emin hu tugun tu ey impeamta tuddan tutu-u tun helag Israel.

Psalms 77:20

Impangulum ida tutu-um e henidda kalneroh ni kaipappattul di Moses nan hi Aaron.

Psalms 78:11

Liniwwan dadda hu miracles ni impaenang-ang tun hi-gada.

Psalms 78:5

Indawat Apu Dios hu tugun tuddan aammed tayun helag Jacob et itugun tun hi-gadan ituttuddudaddan u-ungnga da humman idan tugun tu,

Psalms 99:7

Nekihummungan idan tutu-u tu eman ni kaweda tud kulput niya inu-unnud da hu tugun tu.

Exodus 19:20

Entanni ey nelehbeng hi Apu Dios etan di tuktuk ni duntug et aygan tu Moses.

Exodus 19:8

Ey kan idan emin ni tuuy “Ippahding min emin hu e-helen Apu Dios.” Et manteyed mewan hi Moses et tu ehlen nan Apu Dios humman ni inhumang da.

Exodus 20:21

Nem yadda etan tuu ey nanengtun immen idad a-allaw tu, nem hi Moses ey an neihnup etan di andeket ni kulput di duntug ni kad-an Apu Dios.

Exodus 33:13

Hedin makulug, peamtam tep anhan ni hi-gak ni emin hu planuh mu et amtaen ku niya ma-lat ipahding ku hu pinhed mu. Ey nemnem mu anhan e pinilim ida huyyan tuum.”

Numbers 12:7

Nem hedin hi Moses e bega-en ku ey beken ni hanniman, tep indinel kun emin ni hi-gatu hu helag Israel.

Deuteronomy 34:10

Endi hu hakey ni prophet Apu Dios di Israel ni neiingngeh nan Moses, tep hedin hi-gatu, man nekihinnanggan nekihummangan ni hi-gatu.