Psalms 103:3 - Keley-i Bible (Antipolo Ifugao)

³ Tuka liwwanan emin hu liwat ku niya tuka e-kala hu degeh ku.

Psalms 103:3 Iomraidhean Croise

2 Samuel 12:13

Entanni ey kan David nan Nathan ey “Nathan, nakka ebbuluta e nanliwattak nan Apu Dios.” Hinumang Nathan et kantuy “Em, nem pinesinsahan Apu Dios hu liwat mu, eleg ka mettey.

Psalms 130:4

Nem muka liwwana liwat mi, et humman hu, daka peka-u-unnuda.

Psalms 130:8

Ya kakulugan tu ey hi-gatulli hu menellaknib ni hi-gatsun helag Israel di liwat tayu.

Psalms 147:3

Tuka ellubyaga nemnem idan nedismayah niya tuka peyaggud hu liput da.

Psalms 30:2

Nampehemmehemmekkak ni hi-gam ey binaddangan muwak e Apu e Dios ku et yumagguddak.

Psalms 41:8

Kanday “Nanna-ud mannuman ni mettey di binaktadan tu, tep nemahhig hu degeh tu.”

Psalms 86:5

Apu Dios, kayyaggud ka niya muka pessinsahi hu liwat mi, tep eleg melumman hu impeminhed muddan kamampehemmehemmek ni hi-gam.

Exodus 15:26

Kantuy “Hedin paka-u-unnuden yuwak et ippahding yudda etan pinhed ku et ya kayyaggud pehding yu, eleg dakeyu kastigua, beken ni heniddan iEgypt e kinastiguk idan degeh. Hi-gak hu Ap-Apu yu et ya panyaggudan yu hu nakka nenemnema.”

Exodus 34:7

Pannananeng ku impeminhed kuddan manhahayned ni helag yu, ey pessinsahan ku emin liwat da anin idan etan nangngehay ni hi-gak. Nem eggak hehmeka, et kastiguen kuddalli u-ungnga da, yadda inap-apu da niyadda inap-apuddan inap-apu da.”

Isaiah 33:24

Et humman hu, endilli mandedgeh idan nambebley eyad bebley tayud Zion et liwwanen alin Apu Dios emin hu liwat idan tutu-u tudya.

Isaiah 38:17

Ebbulutek law e ya etan hinelheltap ku ey nambalin ni panyaggudak. Ey inhewang muwak di ketteyyan ku niya ingkal mu liwat ku tep ya neminhed mun hi-gak.

Isaiah 43:25

Nem anin ni henin nuntan et hi-gak e Dios ey nakka pessinsahi hu liwat yu et eggak law nemnemnemadda humman, tep hanneya elaw ku.

Isaiah 53:5

Nem beken, tep gapuh ni liwat tayu ey liniputan da niya nambaig da. Hinelheltap tu humman ma-lat mekidagyum itsun Apu Dios et mambalin itsun kayyaggud.

Jeremiah 17:14

Apu, ekal mu anhan degeh ku et ihwang muwak ma-lat melinggeppak e endi lawah ni meippahding ni hi-gak. Hi-gam ni ebuh nakka daydayawa.

Numbers 12:13

Et mandasal hi Moses nan Apu Dios e kantuy “Peyaggud mu anhan e Apu Dios hi Miriam!”

Mark 2:5

Inang-ang Jesus e wada hu daka pengullug, et kantu etan ni nedahuy ey “Agik, pinesinsahan ku liwat mu.”

Ephesians 1:7

Yan nengiketeyan Jesus Christo ni liwat tayu ey nepesinsahan itsu law tep netekla law liwat tayu et beken itsu law ni himbut ni liwat. Huyya keang-angan tu e kabbabbal ni peteg hi Apu Dios ni hi-gatsu,

James 5:15

Et hedin yan nunman ni daka pandasali ey medinnel idan Apu Dios ni mengkal ni degeh tu, man me-kal. Ey hedin wada nanliwtan tu, ey pessinsahan Apu Dios.