Psalms 103:2 - Keley-i Bible (Antipolo Ifugao)

² Em, hi-gatun ebuh hu nakka daydayawa niya eleggak liwwana hu binabbal tun hi-gak.

Psalms 103:2 Iomraidhean Croise

2 Chronicles 32:25

Nem hi Hesekiah ey nampahhiya kumedek e eleg tu peang-ang hu amleng tun nunman ni binabbal Apu Dios ni hi-gatu. Et bumunget hi Apu Dios ni hi-gatu niyadda tutu-ud Judah niyad Jerusalem et manhelheltap ida.

Psalms 105:5

Hi-gayuddan helag Abraham e bega-en Apu Dios e helag ida daman Jacob ni pinili tun pantu-u tu, nemnem yudda kaketngain tuun impahpahding Apu Dios ni panyaggudan yu niya nemnem yudda dama hu kalinimpiyuh ni nenuwet tu.

Psalms 106:21

Liniwwan da hi Apu Dios e nengihwang ni hi-gada niya nengipenahding ni kaketngain tuud Egypt niyad Madlang ni Baybay.

Psalms 106:7

Yan eman ni wadaddad Egypt ey eleg dan hekey hanguden hu impeenang-ang Apu Dios ni kaketngain tuu niya eleg dan hekey ibilang hu impeminhed tun hi-gada. Et peang-ang da hu ngehay dan hi-gatud Madlang ni Baybay.

Psalms 116:12

Hipa na-mu kayyaggud ni nak iddawat nan Apu Dios ni pansalamatan kun kayyaggud ni impahpahding tun hi-gak?

Isaiah 63:1

Hipa huyyan tuun kamengellin nalpud Bosrah di Edom ni nambalwasin kayyaggud ni madlang? Ka-ang-ang e et-eteng kabaelan tu niya naka-let. “Hi-gak hi Apu Dios e et-eteng kabaelan tun um-ihwang. Immali-ak ma-lat peamtak e hi-gak hu nengapput.”

Isaiah 63:7

E-ehhelen ku hu elaw ni impeminhed Apu Dios ni eleg melumman niya daydayawen ku tep ya impahding tun panyaggudan tayu. Em, dakel hu kayyaggud ni impahding tuddan helag Israel tep ya hemek tu niya et-eteng ni impeminhed tun eleg melumman.

Deuteronomy 32:18

Hi-gayun tutu-u, liniwwan yu etan Dios yun kamei-ellig di batun keihhikkugan. Hi-gatu nengihwang niya nengidwat ni biyag yu.

Deuteronomy 32:6

Hi-gayuddan tuun endi nemnem tu, kaw hanneya pehding yun mampesalamat nan Apu Dios? Kaw beken ni hi-gatu ameyun nanletun hi-gayu, et ihhammad dakeyud nambebleyan yu?

Deuteronomy 6:12

ey ang-ang yu et eleg yu liwwanen hi Ap-Apu e nengihwang ni hi-gayun neihbutan yud Egypt.

Judges 5:2

“Hi Apu Dios hu medeyyaw! Tep timmuled ida helag Israel ni mekiggubbat.

Judges 5:9

Et-eteng amleng ku eyaddan ap-apud Israel et yadda etan kamengu-unnud. Hi Apu Dios hu medeyyaw.