Numbers 9:17 - Keley-i Bible (Antipolo Ifugao)

^17-18 Hedin immahpat etan kulput, ey amtaddan helag Israel e pinhed Apu Dios ni man-e-tan ida. Et humman hu, bukkalen da kampu da ma-lat man-etan ida. Ey ihha-ad da mewan hedin nansiked niya melehbeng etan kulput. Nem hedin mannenneng etan kulput di Tabernacle, ey amta da e pinhed Apu Dios ni mannenneng idadman ni nangkampuan da.

Numbers 9:17 Iomraidhean Croise

Psalms 32:8

Kan Apu Dios ey “Ituttudduk hu kayyaggud ni pehding yu. Tuggunen dakeyu ey ippaptek dakeyun hi-gak.

Psalms 73:24

Niya muka ittududda hu kayyaggud ni pehpehding ku, et lektattuy nedatngan hu keiddeyyawan kun ellian kud kad-an mu.

Exodus 17:1

Hini-yan idan helag Israel hu Sin et tagan da elaw e daka u-unnuda kae-helan Apu Dios ni lawwan da. Entanni ey dimmateng idad Repidim et mangkampuddadman, nem endidman hu danum ni innumen da.

Isaiah 49:10

Eleg ida meuppa niya eleg ida me-wew. Ey eleg da law hiktami nemahhig ni petang niya atung di desert. Ippanguluk idad wada innumen da tep ya et-eteng ni neminhed kun hi-gada.

Numbers 9:22

Nem eleg ida man-e-tan anin ni dewwan aggew, hambulan, hantoon winu mea-ayyapaw pay hedin eleg um-ahpat etan kulput. Nem hedin nisin immahpat etan kulput man bukkalen da kampuda ma-lat man-etan ida.

John 10:9

Makulug ni hi-gak hu kamei-ellig di eheb ni kubkub idan kalneroh. Et yadda etan mengidlan ni hi-gak ey mehellakniban ida, tep ippaptek kudda henin kapemaptek ni kamampattul ni kalneroh e tudda kape-hep ni tudda impattul ni han tudda impahgep.