Numbers 8:21 - Keley-i Bible (Antipolo Ifugao)

²¹ Impahding idan helag Levi hu elaw ni panlinnih niya imbalbal da balwasi da et peang-ang Aaron idan Apu Dios ey impahding tu hu elaw ni panlinnih ni hi-gada ma-lat maibilang idan malinih.

Numbers 8:21 Iomraidhean Croise

Exodus 19:10

Lakkay et mu ehlen ni hi-gada et mandaddan idan nunya et yan kabbuhhan ey mandeyyaw idan hi-gak. Ey ehel mun hi-gada e balbalan da balwasi da

Leviticus 14:11

Ey illaw ni padi etan tuu et yadda i-appit tud heggeppan di Tabernacle di kad-an Apu Dios.

Numbers 19:12

Mahapul ni pehding tu hu elaw ni panlinnih ni katlun aggew et yan kapitun aggew et han dammutun meibbillang ni malinih. Nem hedin eleg tu pehding huyyan meikkatlu et yan meikkeppitun aggew, ey mannenneng ni meibbillang ni beken ni malinih anin ni melebbah pitun aggew.

Numbers 19:19

Humman ni tuun meibbillang ni beken ni malinih ey mewakgihan ni meikkatlu et yan meikkeppitun aggew. Ey mahapul ni ibbalbal tu hu balwasi tu niya man-e-meh ni meikkeppitun aggew et han maibillang ni malinih nunman ni hileng.

Numbers 3:12

“Yadda helag Levi hu pinilik idan helag Israel tep hi-gada hu mei-eng-eng ni hi-gak. Hi-gada meihhullul di emin ni pengulwan ni lalakkin u-ungngaddan helag Israel tep emin hu pengulwan ni lalakkin u-ungngaddan helag Israel ey mei-eng-eng idan hi-gak. Ya eman ni nemateyak idan pengulwan ni lalakkin u-ungngaddan iEgypt ey neieng-eng ni hi-gak idan emin hu pengulwan ni lalakkin u-ungngaddan helag Israel, anin idan nemangulun impah ni animal da. Hi-gak hu Ap-Apu e Dios.”

Numbers 8:15

Hedin negibbuh ni impahding mu humman ni elaw ni panlinnih ni hi-gada ey ipeang-ang mudda et dammutu law ni umhehgep idad Tabernacle et ipahding da hu pengunnuk ni hi-gada.

Numbers 8:20

Inu-unnud Moses, hi Aaron niyadda helag Israel hu intugun Apu Dios ni pehding daddan helag Levi.

Numbers 8:22

Neipalpun nunman ey ida law kaumhegep hu helag Levi ni mangngunnud Tabernacle, et baddangan da hi Aaron niyadda u-ungnga tun laki. Inu-unnud dan emin hu intugun Apu Dios nan Moses ni pehding da.

Numbers 8:7

Wagkihim idan danum ni kapanlinnih et pelabahah mu bewek di ulu da niyad annel da, ey pebalbal mun hi-gada balwasi da et maibilang idan malinih.