Numbers 8:2 - Keley-i Bible (Antipolo Ifugao)

² “Ehel mun Aaron et hedin ippatuk tudda etan pitun dilag di pattukkan ey ang-angen tu et madilagan hu pettek ni hinanggan nunman ni pattukkan.”

Numbers 8:2 Iomraidhean Croise

Psalms 119:105

Ya tugun mu ey kamei-ellig di dilag e tuka bebnangi hu dalan ku, tep tuka ittudu hu kayyaggud ni pehding.

Psalms 119:130

Ya kapengamtain tugun mu hu um-idwat ni kapengewwat e heni tuka bebnangi nemnem ni tuu. Ey kamambalin ni nenemneman hu tuun kulang inamta tu.

Exodus 25:37

Pengapya kayun pitun kengkeh et ipetuk yuddad kapyaen yun pengippettukan et madilagan hu hinangnga tu.

Exodus 37:23

Anin idan ipit niyadda melakkeb ni duyun penellukduk ni ngalab, et nemahmah daman balituk hu nekapya.

Exodus 39:37

ya balituk ni pengippettukan ni kengkeh niyadda meussal diman, ya lanan meihha-ad di kengkeh,

Exodus 40:25

Et integan tudda humman idan kengkeh di hinanggan Apu Dios e inu-unnud tu inhel tu.

Isaiah 8:20

Dengel yu kuma hu kaituttuddun Apu Dios et beken ni ya kae-heladdan kamammagguway hu yu u-unnuden, tep endi ibbaddang dan panyaggudan yu tep heni eleg ni madilagan hu daka pannemnem.

Leviticus 24:4

Mahapul ni wadan ingganah hu mengippaptek idan nunman ni kengkeh ni neipetuk di balituk ni kapengippettukid kad-an kun Ap-Apu.

Numbers 8:1

Kan Apu Dios nan Moses ey

Numbers 8:3

Inu-unnud Aaron et iha-ad tudda dilag etan di dammutun medillagan hu hinanggan etan ni pattukkan.

Matthew 5:14

Kayu kamei-ellig di dilag e tuka bebnangi engeenget tep hi-gayu hu kapengi-ang-angin tuun kayyaggud ni elaw. Ya kayyaggud ni elaw yu ey kamei-ellig etan ni neimuttag ni bebley di ta-pew ni duntug e kameka-ang-ang.

John 1:9

Huyyan dilag ey immali eyad puyek. Hi-gatu hu makulug ni dilag ni kamemnang ni nemnem ni tuu ma-lat amtaen da meippanggep nan Apu Dios.

2 Peter 1:19

Huyya neamtaan tu e makulug hu inhel idan prophets ni meippanggep nan Jesus. Et humman hu, et-eteng dinel tayun inhel idan prophets niya mahapul ni kullugen tayu, tep humman idan inhel da ey heni dilag ni tuka bebnangi engeenget. Nem yallin ellian Jesus Christo, ey bebnangan tullin peteg hu nemnem tayu tep yan nunman ali ey han-awat tayulli law, tep hi-gatu kakelpuin kapan-ewwat, heni etan ni talaw e kakelpuin benang ni kamangkewa-wa.

Revelation 1:12

Nanligguhhak et ang-angen ku etan kaman-e-ehhel ni hi-gak ey inang-ang ku pitun balituk ni kapengippettukin kengkeh.

Revelation 1:20

Yadda etan pitun heni bittuwen ni inang-ang mud wannan ku ey humman ida etan pitun anghel ni nei-peng di pitun simbaan. Yadda etan pitun kapengippettukin kengkeh ey humman ida kamengullug etan di pitun simbaan.”

Revelation 4:5

Entanni ey wadalli nalpu etan di yuddungngan ni ap-apud kabunyan ni kedyam, ya na-let ni bungug niya na-let ni kidul. Wada mewan pitun dilag ni kamantettebbel di hinanggan yuddungngan ni ap-apu e humman ida immatun ni Ispirituh Apu Dios e wada pitun kabaelan tu.