Numbers 8:14 - Keley-i Bible (Antipolo Ifugao)

¹⁴ Hanneya pehding mun mengi-eng-eng idan helag Levi, tep hi-gada pinilik di edum dan helag Israel ni mengippahding ni pengunnuk.

Numbers 8:14 Iomraidhean Croise

Malachi 3:17

Kan Apu Dios e Kabaelan tun emin idan nunyan tutu-uy “Hi-gada hu tutu-uk. Hedin medettengan ali aggew ni gintud ku, man nebalol idallin hi-gak. Hehmekek idallin henin kapenmekin hakey ni aman u-ungnga tun kamakangngu-unnud ni hi-gatu.

Numbers 18:6

Hi-gak hu nemiliddan agi yun helag Levi di emin idan helag Israel et bumaddang idan hi-gayu. Neieng-eng idan hi-gak e Ap-Apu ma-lat mangngunudda eyad Tabernacle.

Numbers 3:12

“Yadda helag Levi hu pinilik idan helag Israel tep hi-gada hu mei-eng-eng ni hi-gak. Hi-gada meihhullul di emin ni pengulwan ni lalakkin u-ungngaddan helag Israel tep emin hu pengulwan ni lalakkin u-ungngaddan helag Israel ey mei-eng-eng idan hi-gak. Ya eman ni nemateyak idan pengulwan ni lalakkin u-ungngaddan iEgypt ey neieng-eng ni hi-gak idan emin hu pengulwan ni lalakkin u-ungngaddan helag Israel, anin idan nemangulun impah ni animal da. Hi-gak hu Ap-Apu e Dios.”

Numbers 3:45

“Ieng-eng mun hi-gak ida helag Levi et meihullul idan emin ni pengulwan ni lalakkin helag Israel, anin idan animal da et meihhullul idan nemangulun impah ni animal idan helag Israel. Mei-eng-eng ida helag Levi ni hi-gak. Hi-gak hu Ap-Apu e Dios.

Numbers 3:9

Putuk mudda nisin umbaddang di Aaron ni han-aamma.

Numbers 6:2

e ittugun tuddan helag Israel huyya: “Hedin wada laki winu biin mansapatah ma-lat mambalin ni Nasirite et i-eng-eng tu annel tun Apu Dios,

Numbers 8:13

Peehneng muddad hinanggan Aaron niyadda u-ungnga tu et maieng-eng idan hi-gak.

Numbers 8:17

tep mei-eng-eng dedan ni hi-gak hu emin ni pengulwan ni lakin u-ungngaddan helag Israel, anin idan nemangulun impah ni animal da. Pinilik ida dedan ni mei-eng-eng ni hi-gak nunman ni hileng ni nemateyak emin ni pengulwan ni lakin u-ungngaddan iEgypt.

Romans 1:1

Huyyan tudek ey nalpun hi-gak e hi agi yun hi Paul e bega-en Jesus Christo ni pinutuk Apu Dios ni apostle tun an mengituttuddun elaw ni penellakniban Jesus Christo ni hi-gatsu.

Galatians 1:15

Nem kabbabbal ni peteg hi Apu Dios ni hi-gak et putuken tuwak ni mansilbin hi-gatu eman ni eggak ni maiungnga.

Deuteronomy 10:8

Yadman nenuduan Apu Dios idan lalakkin helag Levi ni mampaptek ni Kaban tu, ey hi-gada mampeddi niya mengi-hel ni bendisyon tu. Et ingganah nunya ey huyyadda ngunu da.

Hebrews 7:26

Et humman hu, hi Jesus hu Eta-gey ni Padin umbaddang ni hi-gatsud kakulang tayu tep kayyaggud ni peteg, endin hekey hu liwat tu e endi tuka keihlai. Neappil law etan idad nangkeliwtan, niya hi-gatu hu impeta-gey Apu Dios di emin et hi-gatu hu keta-ta-geyyan di kabunyan.