Numbers 7:10 - Keley-i Bible (Antipolo Ifugao)

¹⁰ Yan etan ni neieng-engan ni altar hu nengi-lian idan aap-apun nunman idan indawat da et ipeang-ang dan inha-ad dad hinanggan altar.

Numbers 7:10 Iomraidhean Croise

1 Kings 8:63

Ya in-appit Solomon ni pekiddagyuman nan Apu Dios, ey dewampulut dewwan libun baka, ya hanggatut et dewampulun libun kalneroh niya gelding. Huyya impahding Solomon et yadda edum tun helag Israel ni nengieng-eng etan ni Tempol Apu Dios.

2 Chronicles 7:5

Nan-appit hi Solomon ni dewampulut dewwan libun baka niya hanggatut et dewampulun libun kalneroh niya gelding. Huyya impahding Solomon niyadda edum tun helag Israel ni nengieng-eng ni Tempol Apu Dios.

2 Chronicles 7:9

Intu-nud dan in-eng-eng etan altar et mampiyestah ida mewan ni pitun aggew. Ey pitun aggew dama nampiyestahan dan nengipahdingan dan Piyestah ni Kampu.

Nehemiah 12:27

Ya eman ni neieng-eng ni pakekapyan batun luhud ni Jerusalem ey impaeyag dan emin ida helag Levi anin ni attu kad-an da et mei-dum idan nekiemung et makia-appeh ida ey nampesalamat idan Apu Dios e daka petnul hu gangha, ya gitalah niya ayyuding da.

Nehemiah 12:43

Dakel in-appit dan nunman ni aggew, tep indawat Apu Dios hu et-eteng ni pan-am-amlengan da. Anin idan bibi-i ey kaungaunga et nekiam-amleng ida et nemahhig e kamedngel di edawwi hu ngala da tep ya amleng da.

Psalms 30:1

Daydayawen daka e Apu Dios, tep inhewang muwak di buhul ku et eleg da-ak pateyen ni hi-gada et endi pan-am-amlengan da.

Numbers 7:1

Ginibbuh nan Moses ni binehwat hu Tabernacle, et ipahding tu hu elaw ni pengi-eng-engan dan Apu Dios ni nunman, yadda kameussal diman, ya altar niyadda usal diman.

Numbers 7:11

Kan dedan lan Apu Dios nan Moses ey “Ehel muddan helag Israel e kewa-wa-wan hampulut dewwan aggew ey i-alin hakey ni ap-apu hu iddawat tun meussal ni pengi-eng-engan ni altar.”

Numbers 7:84

Et ya bilang emin ni indawat idan hampulut dewwan aap-apun helag Israel ni meussal di kei-eng-engan ni altar ey: Hampulut dewwan silber ni duyu et ya hampulut dewwan silber ni mahukung ni duyun umlaw di telumpulun kilo, hampulut dewwan balituk ni ekka-kut ni mahukung ni duyun umlaw ni hangkiloh et kagedwah bel-at tun nangkapnun insensoh, hampulut dewwan lakkitun baka, hampulut dewwan lakkitun kalneroh, hampulut dewwan hantoon tun impah ni kalneroh, ya alinah ni i-appit dan mei-unnud ida nunman ni kagihheba et ya hampulut dewwan gelding ni kamei-appit tep ya liwat. Ya in-ali da pay ni kamei-appit ni pekiddagyuman dan Apu Dios ey dewampulut epat ni lakkitun baka, na-nem ni lakkitun kalneroh, na-nem ni gelding et ya na-nem ni hantoon tun impah ni kalneroh.

Deuteronomy 20:5

Ey kan ida daman aap-apun sindalud sindalu day “Kaw wadan hi-gayu hu pakekapya baley tun eleg tu ni pebendisyon nan Apu Dios? Hedin wada, man anemut tep entanniy mettey di gubat, ey hin-appil law mengippebendisyon ni baley tun Apu Dios.