Numbers 4:12 - Keley-i Bible (Antipolo Ifugao)

¹² Illibut da mewan di blue ni luput ida ngunut di Tabernacle niya hephepan dan kayyaggud ni katat et handa iha-ad di pan-attangan.

Numbers 4:12 Iomraidhean Croise

1 Chronicles 9:28

Yadda edum ni helag Levi hu kamengippaptek idan kameussal di kapandeyyawi. Daka ang-angadda usal ni kamei-hep ma-lat meipahgep ni emin hedin negibbuh neusalan da, et endi an metellak.

1 Chronicles 9:29

Yadda dama edum ni hi-gada ey daka ippaptek etan ida edum ni kameussal henin alinah, ya meinnum, ya lana, ya insensoh niyadda kameikkamdug ni mengippebanglu.

2 Chronicles 4:11

Nengapyaddan banga, yadda pala niyadda besen. Et humman negibbuhan idan emin nunyan meussal di Tempol Apu Dios ni impekapyan Solomon e patul ni hi-gada. Yaddahhuy hu kinapya da:

2 Chronicles 4:16

yadda banga, yadda pala, yadda tebeng ni detag niyaddan emin hu edum ni meussal diman. Emin ida huyyan meussal di Tempol Apu Dios ni impekapyan Solomon nan Huram ey nekapyad giniling.

2 Chronicles 4:19

Yadda etan kameussal di Tempol ni nekapyad balituk ni impekapyan Solomon ey: ya altar, yadda tebol ni pengihha-adan ni sinapay ni kamei-appit nan Apu Dios,

2 Chronicles 4:22

yadda pan-e-dep ni kengkeh, yadda besen, yadda pengiggihheban ni insensoh, niyadda penellukduk ni ngalab. Emin ida huyya ey nekapyad balituk. Ey yadda lekbi di Nekassantuh ni Kuwaltuh Apu Dios niyadda lekbin Tempol ey netakapan idan balituk.

Exodus 25:5

ya katat ni lakkitun kalneroh ni nambalin ni madlang, ya katat ni mategun wadad baybay, ya keyew ni akasyah,

Exodus 25:9

Kapya yu huyyan Tabernacle e iu-unnud yu etan di inhel kun pengapya yu.”

Exodus 31:10

Hi-gada pay hu menguggut idan balwasin padin ussalen nan Aaron niyadda u-ungnga tun pampeddian da.

Numbers 3:8

Mahapul mewan ni ippaptek da ngunut di Tabernacle niya mansilbiddadman e i-ehneng dadda edum dan helag Israel.

Numbers 4:11

Hedin ya etan balituk ni altar ey mahapul ni hephepan dan blue ni luput et ita-kep da hu kayyaggud ni katat, et handa iduduk hu pan-attang.

Numbers 4:13

Mahapul mewan ni e-kalen da dep-ul di altar niya hephepan dan madlang ni luput.

Numbers 4:6

Ey ihhephep da mewan hu kayyaggud ni katat niya itta-kep da etan blue ni luput et handa iduduk etan ida pan-attang.

Numbers 4:7

Ya etan tebol ey aplagan dan blue ni luput et handa iha-ad diman ida duyu, yadda mahukung ni duyun pengihha-adan ni kamei-appit, yadda pengihha-adan ni meinnum niyadda sinapay ni meihha-ad diman ni kamei-appit nan Apu Dios.

Numbers 4:9

Mahapul mewan ni hephepan dan luput ni blue hu pattukkan ni dilag, yadda kengkeh, yadda ipit, yadda et-eteng ni duyu niyadda ha-addan ni lanan olibah.