Numbers 33:3 - Keley-i Bible (Antipolo Ifugao)

³ Hini-yan idan helag Israel hu bebley di Rameses di Egypt eman ni meikkahampulut liman aggew ni nemangulun bulan ni newa-waan ni nelabhan ni Anghel Apu Dios. Yan neni-yanan idan helag Israel ni nunman ni bebley ey kaang-ang-angaddan tuudman ida.

Numbers 33:3 Iomraidhean Croise

Genesis 47:11

Inu-unnud Joseph hu inhel etan ni patul et itudu tun ametu niyadda agitu etan kekakkayyaggudan ni puyek ni neihnup di Rameses di Egypt et yadman pambebleyan da.

Psalms 105:38

Nemahhig law ni katattakusiddan iEgypt hu helag idan Israel et ida kaman-am-amleng ni neni-yanan dan bebley dad Egypt.

Exodus 1:11

Et ya impahding idan iEgypt ey impambalin daddan himbut etan helag Israel et panhelheltap dadda. Pinutuk da makabbunget ni mengippengngulu, et pangunu dan hi-gada hu nekalligat ni ngunu. Impekapya dan hi-gada etan dewwan bebley, ya Pithom niya Rameses e humman pambodegahan ni patul.

Exodus 12:2

“Huyyan bulan hu memengngulun bulan ni hantoon.

Exodus 12:37

Immegah ida helag Israel di Rameses et mandaddallan idan limmaw di Sukkot. Ya bilang dan emin ni neni-yan ni Egypt ey enem ni gatut hu libu nem eleg ida maibilang hu u-ungnga niyadda bibi-i.

Exodus 13:4

Yan nunyan memengngulun bulan ni Abib ey hini-yan tayu Egypt et lumaw itsu etan di bebley ni impakulug Apu Dios ida lan ammed tayun iddawat tun hi-gatsu. Humman hu nambebleyan idan Kanaanite, Hittite, Amorite, Hibite niyadda Jebusite. Humman ni bebley ey dakel kennen ey mateba kameitnem. Hedin umdateng kayudman, ey entan tu liwwan ni ippahding hu pan-am-amlengan yu hedin nedatngan huyyan aggew ni katootoon.

Isaiah 52:12

Eleg law mahapul ni pepuppuut yun umlaw ni nunya tep eleg yu law pambinessik. Hi Apu Dios e Dios ni Israel hu mengippengngulun hi-gayu niya mengippaptek ni hi-gayu.”

Micah 2:13

Hi Apu Dios e patul da hu mengibbeghul alin eheb ni bebley ni neilawwan idan tutu-un helag Israel et ipengulu tuddan um-anemut eyad bebley da.

Numbers 33:2

Intudek Moses hu ngadan idan nunman ni nangkampuan da tep humman hu inhel Apu Dios ni pehding tu. Huyyadda dindinlan da e meamtad nangkampuan da.