Numbers 32:29 - Keley-i Bible (Antipolo Ifugao)

²⁹ “Hedin man-agwat ida helag Gad niyadda helag Reuben di Jordan et mekillaw idan hi-gayun an mekiggubbat e ippangulu dakeyun Apu Dios, ey hedin sinekup yun emin hu bebley ey idwat yun hi-gada Gilead et pambebleyan da.

Numbers 32:29 Iomraidhean Croise

Numbers 32:17

Et hedin negibbuh, ey iddaddan mi almas mi et ipengulu midda edum min helag Israel ni an mekiggubbat ingganah melinggep idan mambebley di bebley ni meidwat ni hi-gada. Ey melinggep ida dama pamilyah mi eyad bebley ni hammaden min luhhuden tep endi pekahgep ni tuun an mengubbat ni hi-gada.

Numbers 32:28

Intugun Moses nan hi Eleasar, hi Joshua et yadda kamengipappangngulun tuu e kantuy

Numbers 32:30

Nem hedin eleg da pinhed ni mekillaw ni hi-gayun an mekiggubbat ey yad bebley di Kanaan hu pekibbingngayan dan pambebleyan da.”

Joshua 12:6

Inapput Moses niyadda edum tun helag Israel ida humman ni dewwan patul et idwat Moses e bega-en Apu Dios hu nambebleyan dad helag Reuben, yadda helag Gad niyadda kagedwah ni helag Manasseh, et pambebleyan da.

Joshua 13:11

Nei-dum pay hu Gilead, yadda bebley di Geshur niya Maakah, emin ida bebley di Duntug e Hermon, yadda bebley di Bashan ingganah Salekah.

Joshua 14:3

Nem ya puyek di appit ni kasimmilin aggew di Jordan, ey ingka-peng idan dewwa et kagedwah ni helag Israel. Nambalin ida hu helag Joseph e humman ida helag Manasseh et ya helag Epraim. Nem yadda helag Levi ey ebuh hu pambebleyan da niya pampattulan dan animal da hu neidwat ni hi-gada. Beken henin neidwat idan edum dan helag Israel e melakkeb. Ya impahding idan helag Israel ni puyek da ey meippuun di intugun Apu Dios nan Moses.

Joshua 18:7

Nem hedin yadda helag Levi ey endi ida meiddawtan ni puyek da, tep mansilbid dan padin Apu Dios. Hedin yadda helag Gad, hi Reuben et yadda gedwan helag Manasseh ey negibbuh ni neidwat hu patal da e wadad appit ni kasimmilin aggew di Wangwang e Jordan e indawat lan Moses e bega-en Apu Dios ni hi-gada.”

Judges 10:3

Neihullul hi Jair e iGilead et man-ap-apud Israel ni dewampulut dewwan toon.

1 Samuel 18:17

Hakey ni aggew ey kan Saul nan hi David ey “Ninemnem kun peahwak ni hi-gam hu pengulwan ni u-ungngak ni bii e hi Merab. Nem mahapul ni peang-ang mu e netuled kan sindalu. Ey ka mewan mekiggubbat ni pengi-ehneng mun Apu Dios.” Kan Saul di nemnem tuy “Huyya pehding ku ma-lat yaddalli ngu iPilistia hu memettey ni hi-gatu et bekennak.”