Numbers 28:4 - Keley-i Bible (Antipolo Ifugao)

⁴ I-appit yu hu hakey ni kakkabbuhhan ey hakey mewan ni kamangkehilleng.

Numbers 28:4 Iomraidhean Croise

1 Kings 18:29

Nahwing law aggew ey tagan da pay hu dasal ey tagan da hu ngalan endi tunung tu ingganah ni kamangkelinnug hu aggew ey nedatngan law hu tsimpuh ni kapan-appisin mahmahdem ey endi hu humang Baal.

1 Kings 18:36

Nedatngan law hu tsimpuh ni kapan-appisi et mandasal hi Elijah et kantuy “Hi-gam e Ap-Apu e Dios di Abraham, hi Isaac et hi Jacob, peamtam nunya e hi-gam hu Dios di deyad Israel niya peang-ang mu e hi-gak hu bega-en mu ey emin eya impahding ku ey in-olden mu.

1 Chronicles 16:40

Yan kakkabbuhhan niyan kamangkehilleng ey mahapul ni wadaddan mengihheb ni kamei-appit di altar meippuun di neitudek ni Tugun Apu Dios ni indawat tuddan helag Israel.

Psalms 141:2

Abulut mu anhan huyyan dasal kun henin muka pengebbulusin kayyaggud ni hamuy ni bangbanglu. Niya abulut mu anhan hu nakka pengitata-geyin ngamay kun mandasal ni hi-gam ni henin muka pengebbulusin kamei-appit ni hi-gam ni kekahkahdem.

Exodus 12:6

Mahapul ni paka-ippaptek yudda huyyan animal ingganah ni mahmahdem ni meikkeppulut epat ni aggew. Et emin kayun helag Israel ey keklengen yun kehillengan tun nunman ni aggew.

Daniel 9:21

Yan nunman ni nakka pandasali ey pinhakkeyey simmayab ali et umlid kad-an ku etan anghel, e hi Gabriel hu ngadan tu e hi-gatu etan anghel ni inang-ang kun nunman di i-innep ku. Yan nunman hu tsimpuh ni kapan-appisin mahmahdem.

Joel 1:13

Hi-gayun papaddin kamangngunud altar ni Dios ku ey pambalwasi kayun langgusih et lumaw kayud Tempol et lumelemyung kayu, ey ilallabbi yun mannannangngih, tep endi law begah niya meinnum ni i-appit yun Apu Dios.

Leviticus 3:7

Hedin ya kalneroh hu i-appit yu, ey itta-pew yu ngamay yud ulu etan ni kalneroh ey kinleng yud neihnup di heggeppan di Tabernacle. Ey han inwakgih idan padi hu kuheyaw nunman ni kalneroh di nanlinikweh ni dingding etan ni altar.

Numbers 28:3

Ya i-appit yun kagihheban kennen ni kewa-wa-wa ey dewwan hantoon tun lakkitun kalneroh ni endi dipektoh tu.

Numbers 28:5

Unnudi yun kamei-appit ni begah e ngannganih ni hangkiloh ni alinah ni nekamdugan ni hakey ni litroh ni mansikan olibah. Unnudi yu pay ni kamei-appit ni meinnum ni hakey ni litroh. Giheb yudda huyya et iappit yun hi-gak ni kewa-wa-wa ma-lat umamlengngak ni hamuy tu. Huyyan pehding yu ey neitugun dedan ni nunman di Duntug e Sinai.

Numbers 9:3

Pehding yu huyya meippalpun kamangkehilleng ni meikkahampulut epat ni aggew nunman ni bulan. Mahapul ni paka-u-unnuden yudda intugun kun pehding yu meippanggep nunyan Piyestah.”