Numbers 26:5 - Keley-i Bible (Antipolo Ifugao)

⁵ Huyyadda nahlag nan Reuben e pengulwan ni u-ungngan Jacob e Israel hu hakey ni ngadan tu: yadda helag Hanok, yadda helag Pallu,

Numbers 26:5 Iomraidhean Croise

Genesis 29:32

Et man-ungnga hi Leah ey laki. Et kantuy “Inang-ang Apu Dios hu degeh ni nemnem ku, et yan nunya ey pinheden tuwak law ni ahwak.” Et ngadnan tu etan u-ungnga tun hi Reuben.

Genesis 35:22

Yan wadaddadman hu nengiuligan nan Reuben nan Bilhah e bega-en da ey hakey ni ahwan ametu. Dingngel nan ametu hi Jacob humman ni impahding. Huyyadda ngadan ida etan ni hampulut dewwan lalakkin u-ungngan Jacob:

Genesis 35:23

Hi Reuben e pengulwan, hi Simeon, hi Levi, hi Judah, hi Issakar, hi Sebulun. Huyyadda u-ungnga dan nan Leah.

1 Chronicles 5:1

Hi Reuben hu pengulwan ni u-ungngan Jacob. Nem gapu tep in-ulig tu hakey ni imbilang ametun ahwatu ey neendi law kelebbengan tun pengulwan. Et humman ni kelebbengan tu ey neidwat idan u-ungngan Joseph. Et humman hu, beken hi Reuben ni neilistan pengulwan di tenten.

1 Chronicles 5:3

Epat ida u-ungngan Reuben: hi Hanok, hi Pallu, hi Hesron et hi Karmi.

Exodus 6:14

Huyyadda tenten ni edum ni helag Israel e hi Jacob: yadda u-ungngan Reuben e pengulwan ey hi Hanok, hi Pallu, hi Hesron et hi Karmi. Huyyadda kamengipappangnguluddan pewen ni pamilyah Reuben.

Numbers 1:20

Meippalpun Reuben e pengulwan ni u-ungngan Israel e hi Jacob hakey ni ngadan tu, ey inlista dadda helag dan dammutun mansindalun nantoon ni dewampulu et nehuluk meippuun di pewen da niya pamilyah da. Huyya listaan ni bilang da: Ya nahlagan da Ya bilang da Hi Reuben 46,500 Hi Simeon 59,300 Hi Gad 45,650 Hi Judah 74,600 Hi Issakar 54,400 Hi Sebulun 57,400 Di Epraim nan Manasseh e u-ungngan Joseph ey neibilang idan u-ungngan Israel Hi Epraim 40,500 Hi Manasseh 32,200 Huyyadda edum ni helag Israel Hi Benjamin 35,400 Hi Dan 62,700 Hi Asher 41,500 Hi Naptali 53,400 Ya bilang dan emin ey 603,550.

Numbers 26:4

Kanday “Bilang yuddan emin hu lalakkin helag Israel ni dewampulu toon tu winu nehuluk meippuun di in-olden Apu Dios ni meippahding.” Huyyadda hu helag Israel ni neni-yan ni Egypt:

Numbers 26:6

yadda helag Hesron, niyadda helag Karmi.