Numbers 26:20 - Keley-i Bible (Antipolo Ifugao)

²⁰ Yadda nahlag nan Judah ey yadda helag Sela, yadda helag Peres, niyadda helag Serah.

Numbers 26:20 Iomraidhean Croise

Genesis 38:11

Et kan law Judah nan Tamar ey “Pambangngad ka ew di baley amam et hedin mehikken hi Selah ey han tuka iahwa.” Mukun hanniman impanghel tu ey tep kaumtakut tep entanni ey meippahding daman Selah etan neipahding idan agitu. Et mambangngad hi Tamar di baley di ametu.

Genesis 38:14

Et hullulan tun kakkayyaggud etan imbalwasi tun balwasin nebalu et manhukyung ma-lat eleg meimmatunan angah tu et an manyuyyuddung etan di eheb di Enaim e bebley ni kadellanan umlaw di Timnah. Mukun humman impahding tu ey tep inamta tu e nehiken law hi Selah, nem eleg peahwan ametun hi-gatu.

Genesis 46:12

Hi Judah niyadda etan u-ungnga tun hi Sela, hi Peres et hi Serah. (Netey ida dewwan u-ungngan Judah e hi Er et hi Onan eman ni wadaddad Kanaan.) Wadadda hu inap-apun Judah ni u-ungngan Peres e di Hesron nan hi Hamul.

Genesis 49:8

Hi-gam e Judah ey tettebalen dakaddallin aaggim. Manyu-ung idallin hi-gam niya apputen muddalli buhul mu.

1 Chronicles 4:21

Yadda helag Selah e u-ungngan Judah ey hi Er e nahlagan idan nambebley di Lekah, hi Laadah e nahlagan idan nambebley di Mareshah, yadda etan nangkelaing ni man-ebbel e nambebley idad Bet Asbea,

1 Chronicles 9:4

Ya hakey ni pamilyah ni nambangngad ey ya pamilyah Uthai e u-ungngan Ammihud e u-ungngan Omri e u-ungngan Imri e u-ungngan Bani e helag Peres e u-ungngan Judah.

1 Chronicles 9:5

Ya damad helag Selah ey nambangngad hi Asaiah niyadda u-ungnga tu.

Nehemiah 11:24

Hi Pethahiah e u-ungngan Meshesabel e helag Serah e u-ungngan Judah hu sinudun patul ni umbaddang ni hi-gatun menang-ang ni hipan meippanggep idan helag Israel.

Nehemiah 11:4

Nem ida nambebley di Jerusalem hu edum ni helag Judah et yadda helag Benjamin. Yadda helag Judah ni an nambebley di Jerusalem ey: Hi Athaiah e u-ungngan Ussiah e u-ungngan Sekariah e u-ungngan Amariah e u-ungngan Sephatiah e u-ungngan Mahalalel e helag Peres,

Nehemiah 11:6

Ya bilang emin ni helag Peres ni nambebley di Jerusalem ey epat ni gatut et na-nem et walu.

Numbers 26:21

Yadda nahlag nan Peres ey yadda helag Hesron, niyadda helag Hamul.

Matthew 1:3

Nan-ahwad Judah nan Tamar et mawedad Peres nan Serah. Hi Peres hu aman Hesron. Hi Hesron hu aman Ram.

Revelation 7:5

Hampupulu et dewwan libu hu tuun nemalkaan ni nalpud helag Judah, hi Ruben, hi Gad,