Numbers 14:44 - Keley-i Bible (Antipolo Ifugao)

⁴⁴ Nem impilit idan helag Israel ni limmaw di duntuduntug ni bebley ey eleg da itebin hu Kaban Apu Dios niya eleg makilaw hi Moses.

Numbers 14:44 Iomraidhean Croise

Numbers 10:33

Yan neni-yanan idan helag Israel di Sinai ey nandalan idan tellun aggew. Nemangulu hu Kaban Apu Dios tep hedin attu nansikedan tu ey yadman pangkampuan da.

Numbers 14:43

Mettey kayun an mekiggubbat idan Amalekite niyadda Kanaanite. Inwalleng dakeyun Apu Dios tep nginhay yu.”

Numbers 15:30

Hedin inggeb-at ni helag Israel winu ya etan nekibebley ni hi-gadan nanliwat, tep imbilang tun endi silbitu hu tugun ku et eleg tu u-unnuden ey humman keang-angan tun tuwak kangenghaya. Et humman hu, eleg law meibbillang ni tuuk. Hi-gatu ngu kan bahul ni kekastiguan tu.’”

Numbers 31:6

Intu-dak Moses ida humman ni sindalun impanguluddan Pinehas e u-ungngan Eleasar e padi e hi-gatu hu ngenamung ida etan ni neieng-eng ni usal, anin idan tangguyup ni ussalen dan mengippeamta hedin wada gubat.

Deuteronomy 1:43

Inhel kun hi-gayu humman ni inhel Apu Dios, nem kahing kayu. Et nealay nanglaw kayun nekigubat idan nambebley diman ni duntuduntug ni bebley e indinel yu annel yu tep nginhay yu hi Apu Dios.