Numbers 1:54 - Keley-i Bible (Antipolo Ifugao)

⁵⁴ Et ipahding idan helag Israel huyyan emin ni inhel Moses ni intugun Apu Dios.

Numbers 1:54 Iomraidhean Croise

Exodus 12:28

Et u-unnuden da hu inhel di Moses nan Aaron e humman intugun Apu Dios.

Exodus 39:32

Huyya law hu negibbuhan ni Tabernacle. Yadda helag Israel ey impahding dan emin hu in-olden Apu Dios nan Moses.

Exodus 39:43

Inang-ang Moses emin ida huyyan kinapya da ey ustuh e neka-u-unnud da inhel Apu Dios ni pengapya da. Et bendisyonan Moses ida.

Exodus 40:16

Inu-unnud Moses emin humman ni intugun Apu Dios ni pehding tu.

Exodus 40:32

hedin umhehgep idad Tabernacle. Impahding tudda huyya meippuun di in-olden Apu Dios.

Numbers 1:19

tep humman hu naka-ittugun Apu Dios nan Moses. Et bilangen di Moses idadman Sinai e eleg mebebleyi.

Numbers 1:53

Yad nanlinikweh ni Tabernacle hu pangkampuan idan helag Levi, tep mangguwwalyadda ma-lat endi an meihnup idan edum ni helag Israel, et eleg kudda kastiguen gapuh ni bunget ku.”

Numbers 2:1

Kan Apu Dios mewan nan Moses et hi Aaron ey

Numbers 2:34

Impahding idan helag Israel hu emin ni hipan intugun Apu Dios nan Moses ni pehding da. In-amag da kampudad pettek ni bandelah da. Hedin mewan man-e-tan ida, man man-uunnud ida e wada hakey ni grupuh ey wada bandelah da, tep humman inhel Apu Dios ni pehding da.

Numbers 36:10

Inu-unnud idan u-ungngan Selophehad hu intugun Apu Dios nan Moses ni pehding da,

Numbers 8:20

Inu-unnud Moses, hi Aaron niyadda helag Israel hu intugun Apu Dios ni pehding daddan helag Levi.

Numbers 9:22

Nem eleg ida man-e-tan anin ni dewwan aggew, hambulan, hantoon winu mea-ayyapaw pay hedin eleg um-ahpat etan kulput. Nem hedin nisin immahpat etan kulput man bukkalen da kampuda ma-lat man-etan ida.

Numbers 9:5

ni mahmahdem ni meikkahampulut epat ni aggew ni memengngulun bulan di diman Sinai, et ipahding idan tutu-u humman e inu-unnud da hu intugun Apu Dios nan Moses.

Matthew 28:20

Ituttuddu yun emin ni tuu e mahapul ni u-unnuden dan emin hu intugun kun hi-gayu et wada-ak ni hi-gayun kenayun ingganah ni kepappegan eyan puyek.”

Deuteronomy 12:32

Nemnem yu nisidda eya intugun ku et u-unnuden yu, nem entan tu edumi ey entan tu ekali.

1 Samuel 15:22

Nem kan Samuel ey “Kaw e-etteng amleng nan Apu Dios di kamei-appit ni hi-gatu nem ya kapengu-unnudin tugun tu? Eleg, tep kapehebballin Apu Dios hu pengu-unnudan yun hi-gatu nem ya etan i-appit yun kekakkayyaggudan ni kalnero.