Numbers 1:2 - Keley-i Bible (Antipolo Ifugao)

^2-3 “Ehel mun Aaron et yu bilangen ida edum yun helag Israel meippuun di pewen da niya pamilyah da. Ilista yudda ngadan emin idan lalakkin dewampulu toon da winu nehuluk e humman ida dammutun mekiggubbat.

Numbers 1:2 Iomraidhean Croise

Exodus 12:37

Immegah ida helag Israel di Rameses et mandaddallan idan limmaw di Sukkot. Ya bilang dan emin ni neni-yan ni Egypt ey enem ni gatut hu libu nem eleg ida maibilang hu u-ungnga niyadda bibi-i.

Exodus 30:12

“Hedin billangen mudda edum mun helag Israel ey mahapul ni ya hanhakkey ni hi-gada ey wada ibbayad dan hi-gak ni pihhuh ni wa-hin annel dan nunman ni kebillangan da ma-lat endi um-alin ligat ni hi-gada.

Exodus 38:25

Tellun libu et epat ni gatut et telumpulut dewwan kiloh ni silber hu neamung ni indawat idan tutu-u eman ni nebilangan da e nekibilang ida lalakkin dewampulu toon da winu nehuluk e umlaw di enem ni gatut et tellun libu et liman gatut et nelima hu bilang da.

Numbers 1:18

ey impaeyag dan emin ida helag Israel ni nunman ni aggew, et ilistadadda lalakkin nantoon ni dewampulu et nehuluk meippuun di nahlagan da,

Numbers 1:19

tep humman hu naka-ittugun Apu Dios nan Moses. Et bilangen di Moses idadman Sinai e eleg mebebleyi.