Matthew 9:23 - Keley-i Bible (Antipolo Ifugao)

²³ Yan dintengan dad baley Jairo e ap-apun Jew, ey inang-ang da e ida kaumlelemyung etan ida tutu-u niya kanengih ida tep netey etan u-ungngan Jairo.

Matthew 9:23 Iomraidhean Croise

2 Chronicles 35:25

Entanni ey wada hu kaum-ipelemyung ni peteg ni a-appeh Jeremiah meippanggep ni neteyyan Josiah. Et ingganah nunya ey kai-ena-appeh idan lalakki niyadda bibi-in helag Israel hedin ninemnem da hi Josiah. Nambalin huyyan hakey ni elaw idan helag Israel niya neitudek huyyad Libluh ni A-appeh idan kaumlelemyung.

Jeremiah 16:6

Mettey ali dakel ni tutu-u eyad bebley, kedangyan niya newetwet, nem endilli umlemyung ni neteyyan da niya endi an mengikkullung ni hi-gada. Ey endi an mampemukmuk niya manlipput ni annel dan pengippeang-angan dan lemyung da.

Ezekiel 24:17

Anin ni umlelemyung ka, nem entan tu peang-ang. Entan nangih mud kulung tu ey entan tu ekal penget mu ey patut mun pengippeang-angam e kakaumlelemyung. Entan mewan tu hanii angah mu ey entan tu ekan hu i-aliddan gagayyum mun kennen ni nebalu.”

Matthew 11:17

‘Nangganggangha kamin pan-am-amlengan, nem eleg kayu meneyyaw. Ey impatna mi mewan ni mengia-appeh ni kalemyungi, nem eleg kayu umlemyung.’ Heni kayuddan nunyan u-ungnga, tep endi maptek ni pinhed yu. Eleg yuwak u-unnuda niya eleg yu dama u-unnuda hi John.

Luke 7:32

Heni kayuddan etan ni u-ungngan kamampan-a-ayyam di mulkaduh. Yadda etan edum ey kandaddan edum day ‘Nangganggangha kamin pan-am-amlengan, nem eleg kayu meneyyaw. Ey impatna mi mewan ni mengia-appeh ni kalemyungi, nem eleg kayu umlemyung.’ Heni kayuddan nunyan u-ungnga, tep endi maptek ni pinhed yu. Eleg yuwak u-unnuda niya eleg yu dama u-unnuda hi John.

Acts 20:10

Immehep hi Paul et tu hakukuten et kantuy “Entan kakkaguh yu. Mategu!”

Acts 9:39

Dimmateng di Peter et ipengulu da etan di kad-an ni netey ey wada hakkey idaddan nebalun bii ey ida kamannengngih ey daka pampeang-ang nan Peter hu babalwasi dan kinugut lan Dorcas.

Revelation 18:22

Yadda etan nangkelaing ni man-a-appeh niyadda etan nangkelaing ni manggitalah, yadda etan amta tu mantullaling niyadda etan amta dan mantangguyup ey endilli da kedngelan mewan etan di bebley. Ey endilli law mangngunnungunnudman niya endilli medngel ni mambeyyudman e bebley.