Biblia Todo Logo
Bìoball air-loidhne

- Sanasan -




Matthew 5:37 - Keley-i Bible (Antipolo Ifugao)

37 Hedin wada e-helen yu, ey entan tu isapasapatah niya entan panlangkak yu. Hedin makulug, kaney ‘Em.’ Nem hedin beken ni makulug, nealay kaney ‘Eleg’. Entan tu edumin nalgem ni ehel, tep lawah. Ya linggeman ni ehel ni i-e-dum yud sapatah yu ey kamelpun Satanas.

Faic an caibideil Dèan lethbhreac




Matthew 5:37
17 Iomraidhean Croise  

“Yadda etan bukel ni na-gah di gilig ni dalan ey humman ida etan tuun dingngel da hu elaw ni kapan-ap-apuin Apu Dios, nem eleg da han-awat, tep hineul idan Satanas, et pinhakkeyey liniwwan da hu dingngel da.


Ya etan payew ey humman eya puyek e nanha-adan ni tuu. Ya pagey ni neitnem ey humman ida tuun Apu Dios. Ya etan helek ey humman ida impantuun Satanas e ap-apun emin ni lawah.


Tep ya lawah ni nemnem ni tuu hu kaumhulun ni kapampapateyiddan tuu, ya daka pengi-ebbeebbekin ahwa da, ya daka pansiwsiwid edum dan tuu, ya daka penekkewi, ya daka panlangkaki niya daka penumtumbukin edum da.


Entan tu ehel hu ‘Anin metteyyak’ hedin wada issapatah yu, nem idinel yu hi Apu Dios, tep endi kabaelan yun an pambalin ni mablah winu andeket hu anin hakey ni bewek.


Ipaptek dakemi ma-lat eleg kami madinin manliwwat. Ey baddangi dakemi ma-lat eleg dakemi haulen nan Satanas ni mengippahding ni lawah.’”


Eggak ibbagan hi-gam ni mudda pattalen hu kamengullug et yadda eleg mengullug, nem nakka ibbaga anhan ni hi-gam e baddangim ida kamengullug ma-lat eleg ida haulen Satanas e ap-apun emin ni lawah.


Heni kayu tu-wangu hi ameyu hi Satanas, tep pinpinhed yun pehding ida pinhed tu. Gapun hi-gatu ey kamettey hu tuu. Eleg tu pinhed hu kayyaggud tep endin hekey hu kayyaggud ni elaw tu. Ebuh haul niya itek ni wadan hi-gatu. Hi-gatu ap-apun emin ni maitek.


Emin itsu law ey mahapul ni eleg itsu man-ittek, nem ya makulug hu e-helen tayun edum tayu, tep emin itsu law ni kamengullug ey itsu kameibbillang ni hakey ni annel Jesus.


Ey mahapul ni nehammad ni kenayun hu yuka pengullug, tep humman hu kamei-ellig ni happiyaw ni ihhani yud haul Satanas e heni kamantetebbel ni ippana tun hi-gatsu.


niya entan tu i-itteki edum yu, tep inwaklin yudda law humman ni lawah ni elaw


Ey ang-ang yu et emin heppiten yu ey kayyaggud hu pengngelan idan mengngel niya wada panyaggudan tun hi-gada. Hedin wada mahmahan da, ang-ang yu et ya neiptek penummang yu.


Nem kameiddinnel hi Jesus Christo e Apu tayun mengihhammad ni yuka pengullug niya mengippaptek ni hi-gayu et endi kabaelan Satanas e kelellewwahan ni mene-ul ni hi-gayu.


Ya hakey ni importanteh ni e-helen kun hi-gayun kaegiegi ey entan pansapatah yud kabunyan winu yad puyek niyad linggeman hedin wada issapatah yu. Nealay kanyuy “em,” hedin em, winu “eleg,” hedin eleg, ma-lat eleg dakeyu kastiguen Apu Dios.


Nakka pan-ittudek huyyan hi-gayun a-ammed ida tep ya nengamtaan yun Jesus e endi laputu niya endi pappeg tu. Nakka pan-ittudek huyyan hi-gayun kamampenikken ni lalakki tep beken law ni lawah hu yuka pehpehding.


Entan tu u-unnud hu elaw Cain e tuun Satanas, tep pintey tu hi agitu. Kaw inamta yu hu gaputun nemateyan nan Cain nan agitu? Pintey tu tep tuka keemmehi kakinayyaggud agitu e hi Abel ey hedin hi-gatu, man lawah hu tuka pehpehding.


Inamta tayu e yadda tuun nengabulut nan hi Apu Dios et ya U-ungnga tun hi Jesus Christo e kamengipappaptek ni hi-gatsu ey beken ni kenkenayun ni ida kamanliwwat et eleg mabalin ni ida mehe-ul di hipan lawah.


Lean sinn:

Sanasan


Sanasan