Matthew 27:53 - Keley-i Bible (Antipolo Ifugao)

⁵³ Ey yan netagwan Jesus, ey neukat idad kulung etan ida tuun nangketagwan et lumaw idad Jerusalem et peang-ang idaddan dakel ni tuu.

Matthew 27:53 Iomraidhean Croise

Nehemiah 11:1

Yan nunya ey nambebley ida aap-apud Jerusalem. Ya impahding da ma-lat ma-duman hu tutu-un mambebley diman ey pimmiliddan kapulu etan idad nambebley di Judah et yad Benjamin, e imbubunut da, et ida dama mambebley diman Jerusalem e pinilin Apu Dios ni bebley tu. Nannaneng ida edum dad nambebleyan da ngu dedan.

Isaiah 48:2

Ma-nu mewan tep yuka ippahhiya e nambebley kayud bebley ni pinilin Apu Dios, niya kanyuy yuka iddinel biyag yun hi-gatu e Dios ni Israel e ya ngadan tu ey hi Apu Dios e Kabaelan tun emin.

Daniel 9:24

Kan Apu Dios ey melebbah hu epat ni gatut et nahyam ni toon et han tu pasiked ida etan lawah ni kamekapkapyad bebley tu e Jerusalem niya kapanliwwaliwasiddan tuu tu. Liwwanen tulli liwat idan tuu tu, niya limpiyuh ali law hu meipahpahding ni hi-gadan ingganah. Mambangngad ni hi-gatulli mewan law hu daydayawen dad Tempol tudman Jerusalem ma-lat amnuan ida etan ni ineni-innep niya in-inhel ida lan bega-en Apu Dios ni kaanmengippeamtan pinhed tu.

Matthew 4:5

Entanni et ikuyug Satanas hi Jesus di Jerusalem et papetuk tud etan di keta-ta-geyyan ni bubung ni Tempol

Revelation 11:2

Entan tu tepeng etan dallin ni Tempol, tep humman hu neidwat idan tutu-un eleg mengullug nan Apu Dios. Humman idallin tuu ey iggasigasin dalli hu Jerusalem ni na-pat et dewwan bulan e endi lispituh dan nunman ni bebley ni pinilin Apu Dios, tep ippahding dallidman hu hipan lawah ni pinpinhed da.

Revelation 21:2

Inang-ang kun nalpullid kabunyan hu kakkayyaggud ni bebley nan Apu Dios e humman hu baluh ni Jerusalem. Neka-iyyayyaggud nan Apu Dios humman ni bebley et heni law biin nambalwasin mangkasal.

Revelation 22:19

Ey hedin kullangan ni hakey ni tuu eya neitudek di libluh, man eleg iddawat Apu Dios hu patal tu etan di keyew ni kaum-idwat ni biyag ni endi pappeg tu niya tawid tu etan di bebley ni na-hel eyad libluh.