Matthew 27:44 - Keley-i Bible (Antipolo Ifugao)

⁴⁴ Anin ida etan ni dewwan matekew ni neipetak dama et daka heghegnuda hi Jesus.

Matthew 27:44 Iomraidhean Croise

Psalms 35:15

Nem ay yan nunyan hi-gak hu neligtan, ey nemahhig ni ida kaum-amleng niya da-ak kangi-ngi-ngii hedin neamuamung ida. Anin ida etan ni eggak amtan tuu et ida kameie-edum ni mengippehelheltap ni hi-gak.

Matthew 27:38

Wadadda dewwan matekew ni neipetak di nambina-hil nan Jesus e hakey di winilli tu ey hakey di winannan tu.

Mark 15:32

Ang-ang tayu numan eya nanghel ni kantuy hi-gatu Christo e Patul idan Jews, hedin me-kal eyad neipetakan tu ah! Hedin numan me-kal, man kullugen tayu.” Anin ida dama etan dewwan neipetak et daka pampadngeli hi Jesus.

Romans 15:3

Tep hanniman impahding Christo e eleg tu peamleng hu annel tu. Humman hu inamnuan etan ni impatudek Apu Dios ni meippanggep ni hi-gatu e kantuy “Hi-gak hu neilawwan ni pihul idan tuun hi-gam e Apu Dios.”

James 1:5

Nem hedin wadan hi-gayu hu eleg tu amta hu pehding tun mengu-unnud nan Apu Dios, ey dammutun mandasal ni hi-gatu et baddangan tu. Tep hi Apu Dios ey madewat et man-am-amleng ni umbaddang niya mengidwat ni panyaggudan ni emin ni tuu.