Matthew 24:12 - Keley-i Bible (Antipolo Ifugao)

¹² Nemahhig alin nunman hu lawah ni kamekapkapya, et dakel idalli hu kamengullug ni hi-gak ni me-kal impeminhed dan edum da.

Matthew 24:12 Iomraidhean Croise

Matthew 24:11

Dakel idalli man-ittek e kanday prophet idan Apu Dios, et dakel ali he-ulen dan tuu.

Matthew 24:13

Nem yadda tuun mengihhikkal ni ligat da niya eleg mehulluli nemnem dan mengu-unnud ni hi-gak ey hi-gadalli hu mehellakniban.

James 1:21

Et humman hu, mahapul ni e-kalen yun emin hu hipan lawah ni wadad nemnem yu niya isiked yun mengippahding idan lawah. Ey mahapul ni mampekumbabah kayu et ya ehel Apu Dios ni kinulug yu hu u-unnuden yu e humman hu menellaknib ni hi-gayu.

Revelation 2:10

Entan ali takut yu hedin umdateng etan panliggatan yu, tep e-helen kun hi-gayu e panliggat dakeyuddallin tuuddan Satanas et peikkellabut dakeyulli, nem humman kepatnaan ni yuka pengullug. Anin ni umhulun ni ketteyyan yu humman idallin ligat et entan takut yu et eleg yu isiked hu yuka pengullug ni hi-gak, yaggud nekemtang alin ebuh e heni nekapulun aggew, tep iddawtan dakeyullin hi-gak ni biyag ni endi pappeg tud kad-an Apu Dios.

Revelation 3:15

‘Inamtak ni emin hu yuka pehpehding. Heni kayun danum ni kulang atung tu niya kulang tengnin tu, tep eleg yuwak peka-u-unnuda. Et humman hu, ibbu-yak dakeyu tep iwwalak dakeyun hi-gak hedin eleg kayu mantuttuyyun yuka pehpehding. Heballi ni-ngangu hu maetung kayu winu metengnin kayu.