Matthew 2:18 - Keley-i Bible (Antipolo Ifugao)

¹⁸ “Wadalli medngel di Ramah ni kaumnanginangih. Kangugngugngugin Rachel ida u-ungnga tun nangketey. Tagan tu nanginangih e eleg mea-alluk tep netey idan emin hu u-ungnga tu.”

Matthew 2:18 Iomraidhean Croise

Genesis 37:30

Et lumaw di kad-an idan agitu et kantuy “Endi etan di bitu hi Joseph! Hipa law pehding ku?”

Genesis 42:36

Et kan amedan hi-gaday “Tam pinhed yun meendin emin hu u-ungngak. Neendi hi Joseph, ey neitu-nud mewan hi Simeon. Ey yan nunya mewan ey kanyuy ikkuyug yu hi Benjamin? Tam yuka ma-ma-maa hu nakka panhelheltapi.”

Job 14:10

Nem hedin ya tuu et netey, ey humman pappeg ni neitu-wan tu et endi law mannemnem ni hi-gatu.

Jeremiah 31:15

Entanni ey immehel hi Apu Dios ey kantuy “Medngel ali nangih Rachel di Ramah. Nemahhig ali nangih tu e eleg mea-alluk tep neendidda u-ungnga tu.

Jeremiah 4:31

Nakka deddengngela palak ni biin mengi-ungngan pengulwan ni u-ungnga tu. Hanniman ali palak idan iJerusalem ni kaman-eke-eked yahyah da. Pan-idewdew dalli ngamay da e kanday ‘Iyaddalli memettey ni hi-gami! Nanna-ud ni mebahbah kami!’”

Ezekiel 2:10

Binekyag tu etan papil ey inang-ang ku e netudekan di nambina-hil ni a-appeh di patey e humman ida etan a-appeh ni kaumlelemyung niyadda a-appeh hedin wada ligat.

Matthew 2:17

Huyya nekapkapyan inamnuan ni inhel eman lan prophet e hi Jeremiah ni kantuy

Revelation 8:13

Entanni et mantengngawwak di kabunyan ey wada kamantattayyab ni hakey ni tulduh. Kaumtekutekuk e kantuy “Anggehemmek idallin peteg hu tutu-ud puyek tep ya mekapkapyan hi-gada hedin petnul idallin etan ni tellun anghel hu tangguyup da.”