Matthew 19:10 - Keley-i Bible (Antipolo Ifugao)

¹⁰ Et kan idan disipol tu ey “Hedin tep henin nuntan, man heballi ew eleg mengahwa.”

Matthew 19:10 Iomraidhean Croise

Genesis 2:18

Entanni ey kan Apu Dios ey “Beken ni kayyaggud ni an manhahhakkey hu laki. Umletu-ak ni dayutun pangkadwa tun umbaddang ni hi-gatu.”

Proverbs 18:22

Hedin nelahin hu laki man kamei-ellig etan ahwa tud nebalol ni tenged. Ey humman ni ahwatu imbendisyon Apu Dios ni hi-gatu.

Proverbs 21:19

I-imman hu an mea-appil di desert nem ya meki-addum di matutut ni ahwa.

Proverbs 21:9

I-imman hu an mea-appil di a-abbung nem ya meki-addum di matutut ni ahwa.

Matthew 19:11

Nem kan Jesus ni hi-gaday “Beken ni emin tuu ey kanday eleg ida mengahwa, tep hahhakkey ida hu indawtan Apu Dios ni gahat dan eleg mengahwa.

Matthew 19:9

E-helek ni hi-gayu e ya lakin hi-yanen tu ahwa tu et mambintan, ey in-abek tu ahwa tu. Ya dammutun peni-yanan ni lakin ahwa tu ey ebuh hedin in-abek ni ahwa tu.”

1 Corinthians 7:8

Ya pinhed kun ittugun idan eleg mengahwa et yadda nangkebalun bibi-i ey kedukdul hu eleg ida mengahwa, henin hi-gak.

1 Timothy 4:3

Ituttuddu dalli e kanday pi-yew pengahwaan ni edum ni tuu niya pi-yew ni kennen hu edum ni kamekkan. Nem neihladda, tep emin kamekkan ey lintun Apu Dios ma-lat emin ida hu kamengullug ni daka ewwasi hu makulug ni kameituttuddu ey kennen da hedin nansalamat idan Apu Dios.