Matthew 11:8 - Keley-i Bible (Antipolo Ifugao)

⁸ Winu ya tuun nambalwasin nekangngina? Beken, tep ya kamambalwasin nekangngina ey wadad baley ni patul, eleg umlaw di desert.

Matthew 11:8 Iomraidhean Croise

2 Kings 1:8

Kanday “Nambalwasin andukkey ni nekapyad belat ni animal et mamballikid ni katat.” Kan etan ni patul ey “Hi Elijah humman!”

Isaiah 20:2

Yan nunman hu nanghelan Apu Dios ni hi-gak e hi Isaiah e u-ungngan Amos e e-kalen ku patut ku niya balwasik ni langgusih et nak mandaladalan. Inu-unnud ku humman ni inhel tu et ipahding kun tellun toon.

Sekariah 13:4

Yallin nunman ni aggew ey umbaing ida hu beken ni makulug ni prophet. Eleg da ippahhiya hu ini-innep da niya eleg ida mambalwasin henin balwasiddan makulug ni prophet ma-lat isiked da law ni mene-ul ni tutu-u.

Matthew 11:7

Limmaw ida la etan disipol nan John ey kan Jesus ida etan ni neamung ey “Hipa ninemnem yun an ang-angen eman ni linawwan yud desert di kad-an John? Kaw ya etan tuun endi tunung ni nemnem tu e henin elkat ni kapellupelluyan dibdib ni ebuh?

Matthew 11:9

Inamtak et ya pinhed yun an ang-angen ey ya prophet, et makulug ni humman ni yu inang-ang ey humman keta-ta-geyyan ni prophet e hi John ngadan tu.

Matthew 3:4

Ya balwasin John ey humman hu inebel ni dutdut ni kamel et ya ballikid tu ey katat. Ya tuka kenna ey dudun et ya putsukan.

1 Corinthians 4:11

Anin yan nunya et kami kameu-upa niya kami kamee-ewew. Mika panlelehhani hu kapehpehding idan tuun hi-gami. Nangkebi-bi-ki law balbalwassi mi niya endi ustuh ni mika panha-adi.

2 Corinthians 11:27

Nakka metuttukal tep nemahhig hu ngunuk. Ey kadema ey kulang hu danum ni innumen ku, ya kennen ku, niya balwasik. Ey hin-addum ni endi panha-adan ku.

Deuteronomy 28:54

Anin law etan ni kabbabbal ni laki et eleg tu hehmeka agi tu, ya nakappinhed tun ahwa tu et yadda natdaan ni u-ungnga tu.

Revelation 11:3

Ittu-dak kuddalli etan dewwan tuun nambalwasin langgusih et peamta da hu e-helek ni hi-gadan meippahding alin nunman ni hanlibu et dewanggatut et na-nem ni aggew.”