Luke 22:31 - Keley-i Bible (Antipolo Ifugao)

³¹ Intuluy Jesus ehel e kantuy “Simon, dengel mu eya e-helen ku. Imbagan Satanas nan Apu Dios e panliggat dakeyu tep pinhed tun iwwalak yu hu yuka pengullug ni hi-gak.

Luke 22:31 Iomraidhean Croise

Isaiah 28:28

Tu mewan kaang-anga et hedin man-illik ey eleg meguddu begah tu. Tuka illika ineni tud helin kaliton, nem tuka pebabbabbal ma-lat eleg magudu.

Amos 9:9

Tep in-olden ku e manligligat idad edum ni bebley niya henidda alinah ni meyekkayak, nem endi an metellak ni hakey ni hi-gada.

Sekariah 3:1

Entanniy impeang-ang Apu Dios ni hi-gak hi Joshua e eta-gey ni padi e kaman-eh-ehneng di hinangga etan ni anghel Apu Dios. Wada hi Satanas di winannan etan ni anghel e dakel tuka pan-ehelan bahul nan Joshua.

Matthew 26:30

Negibbuh humman et man-a-appeh idan penaydayaw dan Apu Dios et lumaw idad duntug di Olibah.

Matthew 4:10

Nem kan Jesus ni hi-gatuy “Satanas, a-allaw ka, tep neitudek di ehel Apu Dios e kantuy ‘Ebuh hi Apu Dios ni dayaw yu niya hi-gatun ebuh hu u-unnud yu.’”

Luke 10:41

Nem kan Jesus ey “Hi-gam kedi e Martha, ambeken et ni ya dakel ni ingngunu hu keduddukulam,

Acts 9:4

Netu-li ey dingngel tu hu kaman-e-hel ni hi-gatu e kantuy “Saul! Saul! Kele muwak kapanligligat?”

2 Corinthians 2:11

niya ma-lat eleg daitsu haulen nan Satanas, tep neka-amta tayu hu elaw ni haul tu.

1 Peter 5:8

Helipat-i yu niya ipapaptek yu annel yu, tep hi Satanas e buhul tayu ey tuka hellipat-i ma-lat bahbahen daitsu e henin etan ni layon ni kamangngengeyyed ni bunget tu.

Revelation 12:10

Entanni ey wada dingngel kun na-let ni ehel di kabunyan e kantuy “Nedatngan law hu penellakniban nan Apu Dios ni hi-gatsu. Impeang-ang tu hu et-eteng ni kabaelan tun man-ap-apu. Ey impeang-ang daman Christo e intu-dak tun mengippaptek ni tuu hu kelebbengan tu. Tep neapput law hi Satanas e kenayun ni dakel tuka pebehhul idan edum tayun kamengulluug di hinangngab Apu Dios.