Luke 21:27 - Keley-i Bible (Antipolo Ifugao)

²⁷ Hedin megibbuh ni meippahding ni emin huyya ey hannak nambangngad. Ey ang-angen da-ak e Pengulwan ni emin ni tuud kulput e meang-ang ali hu et-eteng ni kabaelan ku niya dayaw ku.

Luke 21:27 Iomraidhean Croise

Revelation 1:7

Nemnem yu tep makulug eya e-helen kun hi-gayu. Um-alilli mewan e wadalli kulput di nanlinikweh di kad-an tu. Ang-angen alin emin ni tuu, anin ida etan ni nematey ni hi-gatu. Emin idalli hu eleg mangulug ni hi-gatu ey mannannangngih ida niya umtatakut idan hi-gatu. Makulug ni meippahding alin emin huyya. Amen.

Matthew 24:30

Hedin negibbuh idelaw huyya, man meang-ang alid kabunyan hu immatun ni ellian kud puyek et yaddalli nambakbaklang ni tuud puyek ey umnanginangih idallin tuttuyyu dan liwat da, tep anggegannuy medettengan law hu kekastiguan da. Ey ang-angen da-ak ali e Pengulwan ni emin ni tuu etan di kulput e meang-ang ali et-eteng ni kabaelan ku niya dayaw ku.

Mark 13:26

Hedin negibbuh ni neipahding ida huyya, ey ang-angen da-ak ali e Pengulwan ni emin ni tuu etan di kulput e meang-ang ali et-eteng ni kabaelan ku niya dayaw ku.

Matthew 26:64

Kan Jesus ni hi-gatuy “Makulug huttan ni inhel mu. Nem e-helek ni hi-gayun emin e ang-angen yuwak alin umyudung di winannan Apu Dios e Keta-ta-geyyan. Ey ang-angen yuwak alid kulput ni pambangngadan kud puyek.”

Matthew 25:31

Et kan nan Jesus ey “Hi-gak e Pengulwan ni emin ni tuu ey mambangngad dak ali mewan. Emin idalli anghel di kabunyan ey meki-liddan hi-gak. Ey meang-ang ali kasina-gey ku, tep umyudungngak alid yuddungngan ni keta-ta-geyyan ni Ap-apu.

Daniel 7:13

Entanni mewan ey wada inang-ang kun heni hi-gatu etan pengulwan ni emin ni tuu e nalpullid kabunyan ey linikweh ni kulput. Immelad kad-an etan ni Wadan Ingganah et ipengulu dad hinangga tu.

Revelation 14:14

In-ang-ang ku mewan ey wada mablah ni kulput e wada kamanyuyyuddung ni heni tuun nampenget ni balituk niya wada singnged tun makattadem ni gapas.

Luke 21:26

Nemahhig ali takut idan tuu tep ya anggetakkut ni ang-angen dan mekapkapyad puyek, ey anin idan wadad kabunyan et endi maptek ni meippahding niya meendilli kabaelan da.