Luke 13:27 - Keley-i Bible (Antipolo Ifugao)

²⁷ Nem immehel mewan etan kambaley et kantuy ‘Makulug et eleg daka amta. Pampenga-allaw ka, tep lawah kan tuu.’ Henin nunya hu pehding alin Apu Dios ni hi-gayu hedin eleg kayu mantuttuyyun liwat yu.

Luke 13:27 Iomraidhean Croise

Psalms 1:6

Em, mebahbah idalli lawah ni tutu-u, nem hedin yadda etan tutu-un kamengu-unnud ni tugun Apu Dios ey ippaptek tudda.

Psalms 101:8

Kewa-wa-wa ey endien kuddan emin hu tutu-un lawah daka pehpehding niya pampea-allaw kudda eyad bebley nan Apu Dios.

Psalms 119:115

Pampenga-allaw kayuddan lawah ni tutu-u, tep hedin hi-gak ngu, man yadda tugun ni Dios ku hu u-unnuden ku.

Psalms 125:5

Yan pengastiguan muddan lawah ni tuu ey kastigum ida dama etan tuun nengisiked ni mengu-unnud ni hi-gam. Ya kayyaggud ey mannananeng ni wada linggep eyad bebley di Israel.

Psalms 28:3

Entan tuwak anhan ilegat ni pengastiguan muddan tuun kamengippenahding ni lawah. Tep humman idan tuu ey kayyaggud hu daka peang-ang di hinanggan sinakdul da, nem ya wadad nemnem da niyad puhu da ey lawah ni peteg.

Psalms 5:6

Bahbahen muddalli hu maitek ni tuu ey anggebe-hel muddan peteg hu mapetey niya maheul ni tuu.

Psalms 6:8

Hi-gayuddan tutu-un lawah hu tuka pehpehding, pampenga-allaw kayu, tep dingngel Apu Dios hu nangih ku niya nakka pampehemmehemmekid dasal kun nakka pambeggain baddang tu ey inamtak e baddangan tuwak.

Hosea 9:12

Anin ni kantu et mewedda u-ungnga yu et pappegek hu biyag da et nemahhig ali lemyung yun keendian da. Nanna-ud e hedin iwwalleng dakeyun hi-gak man himmalla hu meippahding ni hi-gayu.

Matthew 25:12

Nem kan etan ni laki ey ‘Eleg, tep makulug ni eleg dakeyu ngu amta.’”

Matthew 25:41

Nem kan kulliddan etan ni tuun lawah elaw dan eleg mengullug ni hi-gak ey ‘A-allaw kayud kad-an ku, tep lawah kayu. Lakkayuy di kad-an ni apuy ni eleg me-me-dep e neidaddan ni lawwan Satanas et yadda etan edum tun dimonyoh.

Luke 13:25

Tep hedin eleg yu ippahding hu kabaelan yun mengu-unnud ey heni kayulli etan ni tuun pinhed tun umhegep etan di baley, nem inlekbi etan ni kambaley. Et kaum-eehneng di dallin. Et tagan tu tugtug et kantuy ‘Apu, pahgep muwak anhan.’ Nem kan etan ni kambaley ey ‘Eleg daka pehgep, tep eleg daka amta.’

1 Corinthians 8:3

Nem ya etan tuun makulug ni pinhed tu hi Apu Dios ey hi-gatu kaibbilang Apu Dios ni tuu tu.

Galatians 4:9

Nem ay yan nunya ey pinappeg tu nanhimbutan yuddan nunman ni dios, tep inamta yu law hi Apu Dios ey nema-man hi-gatu e neka-amta dakeyu. Nem ay kele pinhed yu mewan ni mambangngad ni himbut idan nunman ni beken ni makulug ni dios ni endi silbitu?

2 Timothy 2:19

Nem anin ni hanniman e wadadda kamantuttuddun neihla, et eleg mabalin ni mehullulan hu tuttuddun Apu Dios, tep kamei-ellig etan di et-eteng ni batun pegnad e eleg meglid. Hanniman idan nehammad hu daka pengullug ni hi-gatu, tep neitudek e kantuy “Inamtan Apu Dios ida tuu tu.” Ya hakey mewan ni neitudek ey kantuy “Yadda etan kanday tuun Apu Dios ida, ey mahapul ni issiked dan mengippahding ni lawah.”