Joshua 8:21 - Keley-i Bible (Antipolo Ifugao)

²¹ Yan nenang-angan Joshua et yadda sindalu tun hinggep idan edum da etan bebley et legaben da ey nanligguh ida et pampateyen dadda hu sindalun Ai ni namdug ni hi-gada.

Joshua 8:21 Iomraidhean Croise

2 Samuel 10:9

Inang-ang Joab e gubbaten daddad hinangga da niyad dingkuggan da et pilien tudda kelalla-ingngan ni sindalu tu et hi-gada inhangga tuddan sindalun iSyria.

Joshua 10:1

Hi Adonisedek e patul ni Jerusalem ey dingngel tu e sinekup di Joshua hu Ai et pakabbahbahen da et pateyen tu patul diman e henin impahding tud Jericho e nekabbahbah tu ey pintey tu patul da. Ey dingngel tu e nekiungbal hu tutu-ud Gibeon idan helag Israel et kayyaggud law daka pandadagyumi niya nekibebley ida law ni hi-gada.

Joshua 8:20

Nanwingidda hu lalakkin iAi ey inang-ang da ahuk ni kamampellaw di kabunyan ni nalpud bebley da, nem nehukum ida, et endi da bebsikan. Tep nanligguh ida helag Israel ni daka pampepduga et hanggaen dadda humman ni kamampedug ni hi-gada.

Joshua 8:22

Neukat idalli sindalun helag Israel ni himmegep di bebley et bumaddang ida et pampateyen dadda buhul dan sindalun Ai. Dimpap da hu patul diman et ilaw dad kad-an Joshua. Yadda etan sinalun Ai ni nampalaw di eleg mebebleyi ey pindug da et pateyen dadda et han ida mambangngad etan di bebley et pateyen dan emin tuudman.