Joshua 8:20 - Keley-i Bible (Antipolo Ifugao)

²⁰ Nanwingidda hu lalakkin iAi ey inang-ang da ahuk ni kamampellaw di kabunyan ni nalpud bebley da, nem nehukum ida, et endi da bebsikan. Tep nanligguh ida helag Israel ni daka pampepduga et hanggaen dadda humman ni kamampedug ni hi-gada.

Joshua 8:20 Iomraidhean Croise

Genesis 19:28

Et man-uhdung di nandeklan di Sodom niyad Gomorrah ey mahdel ni ahuk hu kameang-ang diman.

Job 11:20

Nem yadda lawah ni tutu-u ey endi namnamah dan meihwang. Ebuh hu katey ni daka hehheggeda.”

Psalms 76:5

Emin ida etan nangka-let ni buhul mi ey nangkeapput ida et pan-al-en mi hu hipan limmu da. Kepuppullay hu annel dad nangketeyyan da, et endi law silbin elet da niya laing da.

Isaiah 34:10

Endilli paka-dep ni nunman ni apuy et kewa-wa-wa niya kahilehileng ey man-a-ahhuk alin ingganah. Huyyan bebley ey metawwey alin ingganah et endilli law meweddag diman.

Joshua 8:19

Inang-ang idan sindalu tu hu impahding tu ey pinhakkeyey neukat idad nampantaluwan da et humgep ida etan di bebley et legaben da.

Joshua 8:21

Yan nenang-angan Joshua et yadda sindalu tun hinggep idan edum da etan bebley et legaben da ey nanligguh ida et pampateyen dadda hu sindalun Ai ni namdug ni hi-gada.

Revelation 18:9

Yadda etan ap-apun nengipenahding ni lawah ni henin impenahding idan tuudman ey umnanginangih idalli niya umlelemyung idallin kegihheban nunman ni bebley.

Revelation 19:3

Intekuk da mewan e kanday “Daydayaw tayu hi Apu Dios, tep kaumlaw ni ingganah di ahpat hu ahuk ni kamelpudman ni bebley ni tuka pangkelgabi.”

Judges 20:38

Nan-uungbal ida dedan etan ida nambetak ni sindalu et yadda edum dan sindalu e lelgaben da etan bebley et mampeahpat hu mahdel ni ahuk

Judges 20:40

Nem entanniy inang-ang da ey kaman-aahuk hu bebley da.

Judges 20:41

Nanligguh ida dama law helag Israel et gubbaten dadda helag Benjamin. Ey nemahhig takut idan helag Benjamin tep inamta da law e meka-apput ida.