Joshua 24:5 - Keley-i Bible (Antipolo Ifugao)

⁵ Nebayag et wadaen kud Moses nan Aaron e bineal kun limmaw di Egypt et panheltap kudda tutu-udman ni nemahhig ni ligat. Et han ku ipenguludda a-ammed yu et hi-yanen da Egypt.

Joshua 24:5 Iomraidhean Croise

Psalms 105:43

Et ipangngupangngulu tudda humman ni tutu-u tu e ida kaman-am-amleng niya ida kaman-a-appeh ni neni-yanan dan bebley di Egypt.

Psalms 136:10

Pintey tudda hu pengulwan ni u-ungngaddan iEgypt. Ya impeminhed tu ey kamannananeng ni ingganah.

Exodus 12:37

Immegah ida helag Israel di Rameses et mandaddallan idan limmaw di Sukkot. Ya bilang dan emin ni neni-yan ni Egypt ey enem ni gatut hu libu nem eleg ida maibilang hu u-ungnga niyadda bibi-i.

Exodus 12:51

Et ipengulun Apu Dios idan meni-yan ni Egypt ni nunman ni aggew.

Exodus 3:10

Et humman hu, yan nunya ey ittu-dak daka et ka makihummangan etan ni patul di Egypt ma-lat ipengulum ida tuuk ni peni-yanan yun nunman ni bebley.”

Exodus 6:27

Hi-gada hu nekihummangan etan ni patul di Egypt et iebulut tu helag Israel ni meni-yan ni Egypt.

Joshua 24:6

Nem yan wadaddad Madlang ni Baybay ey pindug idan iEgypt e nangkalesa ida ey nantakkay idad kebayyu.