Joshua 22:6 - Keley-i Bible (Antipolo Ifugao)

^6-9 Et paenamut Joshua ida. Ey binendisyonan tudda e kantuy “Anemut kayu yaggud adyah e dakel hu inla yud buhul yun ikkedangyan yu, henin silber, hubeng, giniling niya gumek. Ey dakel balwasi yu. Ienamut yu et idawatan yudda edum yun helag Israel.” Et lumaw ida helag Reuben, ya helag Gad et ya kagedwah ni helag Manasseh et hi-yanen dadda edum dan helag Israel di Siloh di Kanaan et mambangngad idad Gilead e bebley ni neidwat ni hi-gada tep humman tugun Apu Dios ni inhel tun Moses. Indawat dedan lan Moses hu Bashan di appit ni kasimmilin aggew di Jordan idan kagedwah ni helag Manasseh nem ya kagedwah ni helag Manasseh ey indawat Joshua hu appit ni kakelinnugin aggew di Jordan.

Joshua 22:6 Iomraidhean Croise

Genesis 14:19

Et bendisyonan tu hi Abram e kantuy “Abram, iddawat Apu Dios e Keta-ta-geyyan niya nanletun kabunyan niya puyek hu panyaggudan mu.

Genesis 47:10

Impidwan Jacob ni binendisyonan etan patul et han ida umhep ni han-aman Joseph.

Genesis 47:7

Entanni ey an inewit nan hi Joseph hi ametu hi Jacob et ilaw tud kad-an etan ni patul. Et bendisyonan Jacob etan patul.

2 Samuel 6:18

Negibbuh humman et bendisyonan David ida tuud ngadan Apu Dios e Kabaelan tun emin.

2 Samuel 6:19

Et ika-pengan tuddan emin tuun neamung ni sinapay, raisin niya neitangtang ni detag, et han ida umenamut.

2 Samuel 6:20

Immanemut dama hi David et bendisyonan tudda pamilyah tu. Nem neukat hi Mikal ey kantuy “Tam hiyya numan eya patul ni Israel e an nampahhiyan nenattayyaw ey impeang-ang tu annel tuddan bibi-in bega-en idan opisyal tu.”

1 Kings 8:66

Negibbuh humman ni piyestah et paenamut Solomon idan emin tuu. Binendisyonan da hi Solomon ey ida kaman-am-amleng ni immanemut, tep kayyaggud hu impahding Apu Dios nan David e bega-en tu, anin ni hi-gadan tuu tun helag Israel.

2 Chronicles 30:18

Ya kedaddakkelan idan eleg mengipahding ni elaw ni panlinnih ni annel ey yadda helag Epraim, yadda helag Manasseh, yadda helag Issakar niyadda helag Sebulun. Nem nekihemul idan nunman ni Piyestah ni Passover, anin ni eleg da u-unnuden hu tugun meipanggep nunyan piyestah. Et idasalan Hesekiah ida e kantud dasal tuy “Kayyaggud ni Ap-Apu e Dios ida lan aammed mi, abulut mu anhan ida eya kamandaydayaw ni hi-gam e neminhed ni mengu-unnud law ni hi-gam e Dios da, anin ni eleg da ipahding etan kameunnud ni elaw ni panlinnih.”

Exodus 39:43

Inang-ang Moses emin ida huyyan kinapya da ey ustuh e neka-u-unnud da inhel Apu Dios ni pengapya da. Et bendisyonan Moses ida.

Luke 2:34

Entanni ey binendisyonan Simeon ida. Ey kantun Maria ey “Huyyan u-ungngan intu-dak Apu Dios ey kehhingen alin dakel ni helag Israel, et mukun mekastiguddalli. Nem dakel idalli dama peamleng tu.

Luke 24:50

Neba-ba-ba ey ingkuyug tudda et lumaw idad Betania. Dimmateng ida et ita-gey tu ngamay tu et idasal tu pemendisyon tun hi-gada.

Joshua 14:13

Binendisyonan Joshua hi Kaleb e u-ungngan Jephunneh et idwat tun hi-gatu Hebron ni beltanen tu.

Joshua 24:28

Negibbuh humman et paenamut Joshua ida tutu-ud nambebleyan da.

1 Samuel 10:25

In-esplikar Samuel idan tuu hu meippanggep ni elaw niya kapehding ni patul. Intudek tudda humman et iha-ad tud kapandeyyawin Apu Dios et hantu paenamut ida etan tuu.

1 Samuel 13:2

Hakey ni aggew ey pinilin Saul hu tellun libun sindalun edum tun helag Israel ni pan-e-dum tun mekiggubbat idan iPilistia. Et makiha-ad idan hi-gatud Mikmas di duntug di Bethel hu dewwan libu et ikuyug Jonathan e u-ungnga tu hu hanlibu et mampalaw idad Gibeah di nambebleyan idan helag Benjamin. Yadda etan edum ni eleg tu pilien ey impaenamut tuddad baballey da.

1 Samuel 2:20

Kabendisyoniddan Eli e kantun Elkanah ey “Hi Apu Dios hu mengidwat ni u-ungnga eyan ahwam ma-lat maihullul eyan u-ungnga yun indawat tun Apu Dios.” Hedin negibbuh hu bendisyon nan Eli man han ida negawid.