Joshua 22:23 - Keley-i Bible (Antipolo Ifugao)

²³ Hedin eleg mi u-unnuden hi Apu Dios et mengapya kamin hin-appil ni pan-appitan min animal ni kagihheba winu pan-appitan min pagey niya kahemmula, anin katteg ni kastiguen dakemin hi-gatu.

Joshua 22:23 Iomraidhean Croise

Genesis 9:4

Nem entan tu ekan hu detag ni nanengtun wada kuheyaw tu, tep ya kuheyaw hu kad-an ni biyag.

2 Chronicles 24:22

Liniwwan nan Joas hu et-eteng ni impeminhed niya nehammad ni nengiehneng nan Jehoiada ni hi-gatu et papetey tu hi Sekariah e u-ungngan Jehoiada. Kamangkattekattey hi Sekariah ey kantuy “Hi-gam e Apu Dios hu penang-ang eyan pehding dan hi-gak et ipahding mu lebbeng tun meippahding ni hi-gada.”

Ezekiel 3:18

Hedin impeamtak ni hi-gam e wada hu lawah ni tuun mettey ey eleg mu e-heli ma-lat hullulan tu lawah ni elaw tu et keihwangan ni annel tu, man hi-gam hu pebehhulan ku hedin mettey ey nanengtu hu liwat tu.

Ezekiel 33:6

Nem hedin ang-angen etan ni guwalya hu kapengelliiddan buhul, ey eleg tu patnul hu tangguyup ni pengamtaan idan tutu-u, man hi-gatu pebehhul kun ketteyyan idan bimmebley. Mannenneng hu liwat dan ketteyyan da, nem ya etan guwalya hu kambahul ni ketteyen da.

Ezekiel 33:8

Tep hedin peamtak e mettey etan lawah ni tuu tep ya liwat tu, nem eleg mu e-heli ma-lat isiked tun mengippahding ni lawah et eleg matey, man hi-gam hu kambahul ni ketteyyan tu.

Deuteronomy 12:11

ey mahapul ni i-ali yun emin ida etan inhel kun i-appit yun kagihheba, ya meikkeppulun limmu yu, yadda iggeb-at yun i-appit niyadda insapatah yun i-appit etan di pillien Ap-Apu e Dios yun pandeyyawan yun hi-gatu.

Deuteronomy 18:19

Ya etan tuun mangngenghay ni e-helen nunman ni prophet ni peheppit ku ey kastiguen kulli.

Joshua 22:24

Ya gaputun nengapyaan mi eyan pan-appitan ey gapu tep kami kaumtakut e nungay edum alin aggew ey kan idallin helag yuddan helag miy ‘Hipa ngu dama kelebbengan yun mandeyyaw nan Apu Dios ni Israel? Ambeken impambalin nan Apu Dios hu Wangwang e Jordan ni pampapappegan tayu ma-lat meappil kayu. Hi Apu Dios man Dios mi ngudedan ni helag Israel. Ey eleg kayu maibilang ni hi-gatu!’ Et dammutun pesikked idallin helag yu hu helag min mandeyyaw nan Apu Dios.

1 Samuel 20:16

Ang-ang ta ma-lat huyyan insapatah tan pehding ta ey makulug ni ippahding ta. Nem hedin eleg mu ippahding eya insapatah ta, man kastiguen dakan Apu Dios.”