Joshua 20:8 - Keley-i Bible (Antipolo Ifugao)

⁸ Yad appit ni kasimmilin aggew di Wangwang e Jordan ey pinili dadda hu Beser e bebley idan helag Reuben e wadad nedeklan ya Ramot di Gilead di bebley idan helag Gad et ya Golan di Bashan di bebley idan helag Manasseh.

Joshua 20:8 Iomraidhean Croise

1 Kings 22:6

Et ayagan idan Ahab emin hu prophet tu e umlaw di epat ni gatut hu bilang da, et mahmahan tun hi-gada e kantuy “Hipa kanyu, kaw tayu gubbaten hu Ramot Gilead winu eleg?” Himmumang ida ey kanday “Em, tayudda gubbaten et nanna-ud ni pengapput daitsun Apu Dios.”

2 Kings 8:28

Yan nunman la ey nekilaw etan patul e hi Ahasiah nan Joram e u-ungngan Ahab et da gubaten hi Hasael e patul ni Syria di Ramot Gilead ey neliputan hi Joram.

1 Chronicles 6:78

Yadda bebley ni indawat idan helag Reuben ey ya Beser e wadad gilig ni eleg mebebleyi, ya Jahsah, ya Kedemot niya Mephaat e neunnudan idan kudal. Ya nambebleyan idan helag Reuben ey yad appit ni kasimmilin aggew di Wangwang e Jordan e demang ni Jericho.

1 Chronicles 6:80

Yadda bebley ni indawat idan helag Gad ey ya Ramot di Gilead, ya Mahanaim,

Deuteronomy 3:10

Sinekup tayun emin hu bebley Og e patul di Bashan, humman ida ey bebley di ta-pew ni duntug, emin bebley di Gilead, emin bebley di Bashan ingganah di Salekah et yad Edrei.

Deuteronomy 4:43

Yaddahhuy hu bebley ni tinudun Moses: Ya Beser di ta-pew ni duntug di eleg mebebleyi hu neitududdan helag Reuben, ya Ramot di Gilead hu neitududdan helag Gad, et ya Golan di Bashan hu neitududdan helag Manasseh.

Joshua 20:7

Yadda bebley ni piniliddan helag Israel ni keihhikkugan ey yad appit ni kakelinnugin aggew di Wangwang e Jordan, Kedes di Galilee di duntuduntug ni bebley idan helag Naptali, Sekem di duntuduntug e bebley di helag Epraim et ya Hebron etan di duntuduntug ni bebley idan helag Judah.

Joshua 20:9

Huyyadda bebley ni netudun bebsikan idan helag Israel winu yadda nekibebley ni hi-gadan pimmatey nem eleg tu igeb-at et yadman keihhikkugan tu ma-lat eleg pateyen idan mengi-ewwit ingganah ni keippennuhan ni kasuh da.

Joshua 21:27

Hedin yadda edum ni helag Levi e helag Gerson ey neidwat ni hi-gada hu edum ni bebley idan kagedwah ni helag Manasseh. Ya ngadan idan nunyan bebley ey Golan di Bashan (e hakey ni nepilin bebley ni keihhikkugan) et ya Beesterah et yadda kudal diman.

Joshua 21:36

Yadda dama epat ni bebley di puyek idan helag Reuben ni neidwat ey ya Beser, Jahas,

Joshua 21:38

Yadda helag Gad ey indawat da dama hu Ramot di Gilead (e hakey ida etan ni bebley ni nepilin keihhikkugan), ya Mahanaim, ya Heshon et ya Jaser e neunnudan idan kudal.