Joshua 18:4 - Keley-i Bible (Antipolo Ifugao)

⁴ Putuk kayun hantetlun lalakkin mengi-ehneng ni helag yu et itu-dak kudda et da ang-angen ida emin etan bebley ni eleg tayu ni sakupen et itudek da hu pinhed dan pehding ni mengennedwan nunman idan puyek ey han-ida nambangngad di kad-ak.

Joshua 18:4 Iomraidhean Croise

Micah 2:5

Et humman hu, hedin medettengan ali hu pengibbangngadan Apu Dios ni hi-gayud bebley yu ey endi an meidwat ni hi-gayun pambebleyan yu, tep eleg kayu law meibbillang ni tutu-u tu.

Numbers 1:4

Ehel mu et baddangan dakeyuddan ap-apun hanhakkey ni pewen ni mambillang.

Numbers 13:2

“Pili kan hanhakkey di hampulut dewwan helag Israel et palaw muddan an mansi-im di Kanaan e bebley ni iddawat kun hi-gayu.”

Joshua 18:3

Et kan Joshua idan edum tun helag Israel ey “Pigantu yu pambebleyan di bebley ni indawat Apu Dios idan aammed yun hi-gayu?

Joshua 18:5

Mampittu kegennedwaan idan nunman ni puyek. Mannenneng ida helag Judah di neitudun pambebleyan dad appit ni south. Hanniman damaddan helag Joseph ey manha-ad idan neitudun pambebleyan dad appit ni north.

Joshua 18:6

Itudek da hu meippanggep idan nunman ni bebley ni mampittu kegennedwaan tu, et i-li dan hi-gak et ibunut kud hinanggan Apu Dios tayu, et amtaen tayu hedin attu hu pinhed tun pambebleyan idan pitun helag Israel.

Joshua 18:9

Impahding idan nunman ni lalakki hu na-hel ni hi-gadan pehding da e ittudek da mapah etan ni bebley et pampittuen dan genedwaen. Intudek da ngadan emin etan idan bebley et mambangngad idad kad-an Joshua di Siloh.

Joshua 3:12

Messikked etan danum e heni nebengbeng ni gewwaan idallin padin mengi-attang ni nunman ni Kaban Ap-Apu e Dios di emin ni puyek.” Inhel tu pay e umpiliddan emin hu hampulut dewwan helag Israel ni mengi-ehneng ni hi-gada e hanhakkey di hakey ni helag.

Joshua 4:2

“Pili kan hanhakkey idad hampulut dewwan helag Israel ni mengi-ehneng ni hi-gada.