Joshua 17:1 - Keley-i Bible (Antipolo Ifugao)

¹ Ya pangil ni puyek di Jordan di appit ni kakelinnugin aggew, ey neidwat idan edum ni helag Manasseh e pengulwan ni lakin u-ungngan Joseph. Hi Makir e aman Gilead ey penguluwan ni lakin u-ungngan Manasseh. Nelaing ey netuled ni mekiggubbat et humman gaputun neidwat ni hi-gatu hu Gilead et ya Bashan e appit di kasimmilin aggew di Jordan.

Joshua 17:1 Iomraidhean Croise

Genesis 41:51

Ya impangngadan Joseph etan ni pengulwan ey hi Manasseh tep kantuy “Hi Apu Dios hu nenga-alluk ni hi-gak di nanhelheltapan ku niyad neidawwian kun ama.”

Genesis 41:52

Ya etan neikadwa ey nginadnan tun hi Epraim tep kantuy “Hi Apu Dios hu nengidwat ni u-ungngak eyad bebley ni nanhelheltapan ku.”

Genesis 46:20

Yadda u-ungngan Joseph di Egypt ey di Manasseh nan Epraim e ya ineda ey hi Asenat e u-ungngan Potipera e padid Heliopolis.

Genesis 48:17

Hi Joseph ey eleg tu pinhed humman ni impahding ametu e ingkapetu wannan tud ulun nan Epraim e udidyan. Et tengeden tu ngamay ametu et i-aldan tu-et di ulun Manasseh e pengulwan.

Genesis 48:18

Kan tun ametuy “Beken ni hi-gatu pengikap-im ni wannan mu! Tep hi diyyay hu pengulwan.”

Genesis 50:23

Ey kayyaggud tep inang-ang tudda u-ungngan Epraim niyadda meikkadwan inap-apu tu, anin ni u-ungngan Makir e u-ungngan Manasseh.

2 Samuel 2:9

Impambalin Abner hi Isboset ni patul di Gilead, Asher, Jesreel, Epraim et yad Benjamin niyaddad edum ni bebley ni helag Israel.

1 Chronicles 2:23

Nem entanniy ginubat idan ap-apud Geshur niyad Aram et sakupen da na-nem ni bebley diman, anin ni ya Jair niya Kenat niyadda edum ni bebley ni neihnup diman. Emin ida nambebley diman ey helag idan Makir e aman Gilead.

Ezekiel 47:13

Heninnuy hu kan Apu Dios e Eta-gey ni peteg ni meunnud ni pangkekeggadan idan etan ni hampulut dewwan helag Israel ni pengennadwaan dan puyek dan i-e-peng da. Kantuy “Emin kayu ey mahapul ni man-iingngeh hu puyek yun beltanen yu. Ebuh ida etan helag Joseph ni dewwa hu beltanen da. Humman dedan hu inhel kuddan aammed yu e tewwiden yun helag dadda huyyan puyek.

Numbers 26:29

Huyyadda nahlag nan Manasseh: yadda helag Makir, niyadda helag Gilead. (Hi Gilead hu u-ungngan Makir.)

Numbers 27:1

Hakey ni aggew ey limmaw ida hu bibi-in u-ungngan Selophehad e hi Mahlah, hi Noah, hi Hoglah, hi Milkah et hi Tirsah di heggeppan ni Tabernacle di kad-an di Moses, hi Eleasar e padi, yadda kamengipappangngulu niyadda edum dan bimmebley et kanday “Netey hi amemi di eleg mebebleyi ey endi helag tun laki. Netey tep ya liwat tu, e beken ni ya neki-duman tun Korah ni nangngehayan dan Apu Dios hu himmulun. Et humman hu, kele an metellak ngadan amemi tep ya keendin u-ungnga tun laki? Idwasi dakemi kuma anhan ni puyek ni indawat yuddan aaggin amemi.” Hedin hi Selophehad man u-ungngan Hepher e u-ungngan Gilead e u-ungngan Makir e u-ungngan Manasseh e u-ungngan Joseph.

Numbers 32:33

Et idwat Moses idan helag Reuben, yadda helag Gad niyadda kagedwah ni helag Manasseh e u-ungngan Joseph hu bebley Sihon e patul idan Amorite, ya bebley Og e patul di Basah niyaddan emin hu nanlinikweh ni bebley diman.

Deuteronomy 21:17

Mahapul ni iddawat tu etan e-etteng ni pebeltan tu etan ni pengulwan ni lakin u-ungnga tu, tep hi-gatu kei-ang-angan ni kelakkin ametu, ey hi-gatu lebbeng tun mengellan kabeltanan pengulwan ni laki, anin ni u-ungnga tud eleg tu pinpinhed ni ahwa tu.

Joshua 17:2

Ey yadda edum ni bebley di appit ni kakelinnugin aggew di Jordan ey neidwat idan edum ni helag Manasseh e hi Abieser, hi Helek, hi Asriel, hi Sekem, hi Hepher et hi Semida. Huyyadda ngadan idan lalakkin u-ungngan Manasseh e penguluwan ni u-ungngan Joseph.

Judges 5:14

Nalpuddad Epraim e bebley ida la nin Amalekite, neitu-nud ida dama helag Benjamin. Yadda helag Makir hu nengipengulun hi-gada ey yadda helag Sebulun hu ap-apu da.