Joshua 16:4 - Keley-i Bible (Antipolo Ifugao)

⁴ Huyyaddan bebley hu neidwat ni nambebleyan idan helag Epraim et ya kagedwah ni helag Manasseh e u-ungngaddan Joseph.

Joshua 16:4 Iomraidhean Croise

Genesis 41:52

Ya etan neikadwa ey nginadnan tun hi Epraim tep kantuy “Hi Apu Dios hu nengidwat ni u-ungngak eyad bebley ni nanhelheltapan ku.”

Ezekiel 47:13

Heninnuy hu kan Apu Dios e Eta-gey ni peteg ni meunnud ni pangkekeggadan idan etan ni hampulut dewwan helag Israel ni pengennadwaan dan puyek dan i-e-peng da. Kantuy “Emin kayu ey mahapul ni man-iingngeh hu puyek yun beltanen yu. Ebuh ida etan helag Joseph ni dewwa hu beltanen da. Humman dedan hu inhel kuddan aammed yu e tewwiden yun helag dadda huyyan puyek.

Joshua 16:5

Huyyaddan pappeg ni bebley da ey meippalpud Atarot Addar et mampalaw di appit ni kasimmilin aggew ingganah di nengin-ahpat ni Bet Horon,

Joshua 17:14

Hakey aggew ey limmaw ida hu helag Joseph di kad-an Joshua et kandan hi-gatuy “Kele ebuh humman ni puyek ni indawat mun pambebleyan mi ey dakel kami tep binendisyonan dakemin Apu Dios?”

Joshua 18:5

Mampittu kegennedwaan idan nunman ni puyek. Mannenneng ida helag Judah di neitudun pambebleyan dad appit ni south. Hanniman damaddan helag Joseph ey manha-ad idan neitudun pambebleyan dad appit ni north.