Joshua 13:2 - Keley-i Bible (Antipolo Ifugao)

^2-7 Huyyadda pay hu bebley ni eleg yu sakupen: Emin hu bebley di Pilistia et yad Geshur, yadda bebley di Abbim di appit ni south, meippalpud Wangwang e Sihor di pappeg ni Egypt ingganah di pappeg ni Ekron di appit ni north e neibilang ni bebley ni Kanaanite et ya bebley idan etan ni liman patul di Gaza, Asdod, Askelon, Gath niyad Ekron e bebley di Pilistia, emin hu bebley idan Kanaanite ni wadad appit ni north e ya pappeg tu ey meippalpud Mearah e bebley idan iSidon ingganah di Apek di pappeg ni bebley idan Amorite, yadda bebley idan Gebalite niya emin hu Lebanon di appit ni kasimmilin aggew meippalpud Baalgad di appit ni south di Duntug e Hermon ingganah di Hamat. Neibilang deya ida bebley ni iSidon di nambattanan ni Misrepot Maim et yadda duntug di Lebanon. Baddangan dakeyun hi-gak et sakupen yudda huyyan bebley ma-lat ekalen yudda tutu-udman. Mahapul ni gennedwaen mudda huyyan bebley et i-peng mudda etan di heyam ni helag Israel et ya gedwan helag Manasseh tep huyya dedan la intugun kun pehding mu.”

Joshua 13:2 Iomraidhean Croise

Genesis 10:14

yad Patrus, yad Kasluh, niyad Crete e nahlagan idan Pilistin.

Genesis 26:1

Entanni ey wada mewan hu bisil e heni la etan ni bisil ni ketaggun Abraham et lumaw hi Isaac di bebley di Gerar di bebley nan Abimelek e patul di Pilistia.

2 Samuel 15:8

Yan eman ni wada-ak di Geshur di Syria ey insapatah kun hi-gatu e hedin ibbangngad tuwak di deya Jerusalem ey nak deyyawen di Hebron.”

2 Samuel 3:3

Ya hened ey hi Kileab, e u-ungnga dan Abigail, e ahwa lan eman nan hi Nabal di Karmel. Ya meikkatlu ey hi Absalom, e u-ungnga dan Maakah, e u-ungngan Talmai, e patul di Geshur.

Joel 3:4

Hi-gayun tutu-ud Tyre, yad Sidon niyad Pilistia, kele hanniman yu impahding? Kaw wada pinhed yun ibbaleh ni hi-gak? Hedin henin nuntan, man ang-ang yu kuma tep kekemtang ey impahding ku hu pengibleh kun emin ni impahding yu.

Sephaniah 2:5

Anggehemmek kayullin iPilistia ni nambebley di gilig ni baybay niyad Kanaan tep kastiguen dakeyun Apu Dios. Kantuy “Bahbahen dakeyu niya endilli an metdaan ni hi-gayu.”

Deuteronomy 3:14

Hi Jair e kamengipappengngulun helag Manasseh hu neidwatan ni emin nunman ni bebley di Argob ingganah di pappeg ni Geshur et yad Maakah. Ingngadan Jair hu ngadan tudman e bebley et ingganah nunya ey ‘Bebley Jair’ hu impangngadan tu.)

Joshua 12:5

Ya sinekup ni nan-ap-apuan tu ey yadda bebley di Duntug e Hermon, yad Salekah niyadda emin ni bebley di Bashan ingganah di pappeg ni Geshur et ya Maakah. Sinekup tu hu kagedwah ni Gilead e hedin ya kagedwah tu ey sinekup ni nan-ap-apuan Sihon e patul ni Hesbon.

Joshua 13:11

Nei-dum pay hu Gilead, yadda bebley di Geshur niya Maakah, emin ida bebley di Duntug e Hermon, yadda bebley di Bashan ingganah Salekah.

Joshua 13:13

Nem eleg degyunen idan helag Israel ida tutu-ud Geshur et yad Maakah et ingganah nunya ey nekibebley idan hi-gada.

Judges 3:1

Impannaneng Apu Dios dedan hu edum ni nambebley ma-lat pematna tuddan helag Israel ni eleg meniktam ni nekigubat di Kanaan,

1 Samuel 27:8

Yan nanha-adan dadman ey kaipappangngulun David ida sindalu tun an mekiggubbat. Ginubat tudda bimmebley di Geshur, yadda tuud Girsi niyadda tuud Amalek e nebayag ni nambebley diman. Ey inlapu da pay ni mengubbat idan tuud Sur ingganah di Egypt.