Joshua 10:14 - Keley-i Bible (Antipolo Ifugao)

¹⁴ Hi Apu Dios hu nekihanggan buhul ni helag Israel ni nunman ni aggew. Endi henin nunman ni nenumang Apu Dios ni hakey ni tuun nandasal ni hi-gatu neipalpun nunman ingganah ni nunya.

Joshua 10:14 Iomraidhean Croise

Exodus 14:14

Ya kayyaggud ni pehding tayu ey pelinggep tayu nemnem tayu et ngenamung hi Apu Dios ni mekiggubbat ni hi-gada.”

Exodus 14:25

Endi maptek ey kamangkeillunnek hu heli idan kalesah da et ida kamampaligat ni umlaw. Et kanday “A-allaw itsu kumadya! Tep ya Dios idan helag Israel hu kamekihhanggan hi-gatsu.”

Isaiah 38:8

Pehunnay alin Apu Dios hu allinnew ni aggew etan di teytey ni impekapya lan patul e hi Ahas ni hampulun akad.” Entanniy immamnu e himmunay hu allinnew etan di teytey ni hampulun akad.

Sekariah 14:3

Hedin negibbuh ali huyyan neipahding ey mebe-al ali hi Apu Dios ni mengubbat idan nunman ni bebley e henin impenahding tun nemenaddangan tun tutu-ud Israel ni nunman.

Luke 17:6

Hinumang Jesus e kantuy “Anin ni henin kainekkeket ni bukel ni mustard hu yuka pengullug nan Apu Dios, nem nehammad, ey dammutun kanyu etan ni keyew ey ‘Kei-tan kad gawan baybay,’ ey tu-wangun mei-tan.

Deuteronomy 1:30

tep ippangulu dakeyun Apu Dios e Dios yu. Hi-gatu mekiggubbat et iehneng dakeyu, henin inang-ang yun impahding tud Egypt,

Joshua 10:15

Entanni et mambangngad hi Joshua et yadda sindalu tud kampu dad Gilgal.

Joshua 10:42

Neminpinhakkey hu nengapputan di Joshua idan patul et ya bebley da tep binaddangan Apu Dios idan helag Israel et hi-gatu nekihanggan buhul da.

Joshua 23:3

Inang-ang yun emin hu impahding Apu Dios e Dios tayu idan tutu-u eyad kebebbebley gapuh ni hi-gatsu. Ey amta yu e hi-gatu nekihenanggaddan buhul tayu.